Kalaja tha se ankesa për parkun fotovoltaik, sipas saj, është regjistruar dhe se pritet të japë shpjegimet e saj në Prokurorinë e Posaçme. Ajo njoftoi se së fundmi është thirrur nga SPAK për t’u pyetur në lidhje me ankesën.
Duke folur për çështjen “Bankers”, Kalaja deklaroi se po zhvillohet një hetim i thelluar dhe se dokumentet e paraqitura prej saj kanë ngritur dyshime për vepra penale si ushtrimi i ndikimit të paligjshëm, korrupsioni pasiv, përfitimi i interesave të paligjshme, pastrimi i produkteve të krimit, si dhe një grup i strukturuar kriminal.
Sipas saj, përgjegjësia i atribuohet Belinda Ballukut në bashkëpunim me ish-ministren e Financave, Anila Denaj, si dhe zyrtarë të tjerë për çështje që lidhen me një detyrim prej afërsisht 123 milionë eurosh.
Kalaja pretendoi se detyrimi ndaj kompanisë “Bankers” u pezullua dhe më pas u fal nga institucione që, sipas saj, nuk kishin kompetencën ligjore për të marrë këtë vendim. Lidhur me vendimin e Gjykatës së Lartë për të lënë në fuqi masën e pezullimit të Belinda Ballukut nga ushtrimi i funksioneve të saj, Kalaja tha se e mirëpret vendimin, por sipas saj, masat duhet të kishin qenë më të ashpra.
Ajo ngriti gjithashtu akuza për vonesa në hetime, duke thënë se nuk ka informacion nëse Prokurori Prençi ka kërkuar zgjatje të afateve apo e ka dorëzuar dosjen brenda afatit ligjor.
“I kisha referuar dy raportime SPAK-ut, për Belinda Ballukun, kallëzimi i parë penal lidhej me çështjen “Bankers”, dhe raporti tjetër lidhej me një park fotovoltaik, për të cilin, për sa di unë, edhe ky është regjistruar, por po pres të shkoj dhe të jap shpjegimet e nevojshme. Pra, prokurori kishte gjykuar se regjistrimi i kallëzimit penal dhe i thirrjes sime në gjyq ishte bërë në kohë rekord.
Dje më telefonuan për të pyetur në lidhje me raportin.
Po zhvillohet një hetim i thelluar për “Bnakers” dhe një nga çështjet është ushtrimi i ndikimit të paligjshëm, korrupsioni pasiv, përfitimi i interesave të paligjshme, pastrimi i të ardhurave nga krimi, por edhe një organizatë kriminale apo grup i strukturuar kriminal, të cilat në dokumentet që kam paraqitur i drejtohen Belinda Ballukut, e cila në bashkëpunim me Ministren e Financave në atë kohë, Anila Denaj, por edhe për shpërdorim detyre jo vetëm këta të dy, por edhe Ministren aktuale të Financave, pasi pyetja që bëmë është nëse është bërë në kohën e duhur për t’u mbledhur sepse është bërë për 123 milionë euro para në “Becchetti numër 2”. Denaj dhe Balluku e pezulluan dhe më pas vendosën që detyrimi duhet të falet, kur nuk kanë asnjë ide sepse vetëm Drejtoria e Përgjithshme e ka.
E mirëpres vendimin e Gjykatës së Lartë, do të doja që masat të ishin më të ashpra sepse udhëheqësit e opozitës janë arrestuar pa u informuar për akuzat. Prokurori Prençi duhet ta dorëzojë dosjen brenda prillit ose ta zgjasë afatin, nuk kemi asnjë informacion që është bërë. Dyshoj se ai po amnistohet sepse nuk ka pasur asnjë veprim për heqjen e imunitetit që nga marsi.
«Do të ketë një riklasifikim të veprave penale dhe rrezikoni deri në 35 vjet burg. Ligji thotë se dosja duhet të mbyllet brenda 6 muajve, pavarësisht vendimit që merrni», tha Kalaja, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
