Efektivët rrethojnë menjëherë automjetin, hapin dyert dhe nxjerrin Agasin nga makina.
Policia ka publikuar pamjet e operacionit për arrestimin e Ergys Agasit në zonën e Plepave në Durrës. Në video shihet momenti kur forca të shumta të Shqiponjave bllokojnë në rrugë automjetin “Audi S8” me ngjyrë të zezë, me të cilin udhëtonte Agasi, dhe ndërhyjnë për arrestimin e tij.
Efektivët rrethojnë menjëherë automjetin, hapin dyert dhe nxjerrin Agasin nga makina
Agasit ishte i shpallur në kërkim që prej dhjetorit 2025 në kuadër të dosjes së SPAK për tenderët e AKSHI-t. Në operacion morën pjesë forca të shumta të Operacionales dhe RENEA-s, ndërsa Byroja Kombëtare e Hetimit koordinoi operacionin për lokalizimin dhe kapjen e Agasit, me asistencën e strukturave të Policisë.
Arrestimi u krye në zonën e Plepave në Durrës, pasi autoritetet e kishin mbajtur Agasin prej rreth dy javësh nën monitorim. Sipas informacioneve të deritanishme, strukturat hetimore dyshonin se ai strehohej në Elbasan dhe e lokalizuan në këtë qytet.
Më pas, Agasi u vu nën ndjekje teksa udhëtonte me automjet nga Elbasani në drejtim të Durrësit. Operacioni përfundoi në Plepa, ku forcat policore kishin organizuar ndërhyrjen për bllokimin e automjetit dhe arrestimin e tij.
Pas arrestimit, Ergys Agasi u shoqërua në Drejtorinë e Policisë së Tiranës. Gjatë operacionit, autoritetet sekuestruan edhe disa çanta, por deri tani nuk kanë bërë publike përmbajtjen e tyre.
Agasi kërkohej që prej operacionit të 16 dhjetorit 2025, kur agjentët e BKH-së dhe Policia kryen kontrolle në ambiente të lidhura me të, por nuk e gjetën. Gjykata e Posaçme kishte caktuar ndaj tij masën e sigurisë “arrest me burg” në kuadër të hetimeve të SPAK për dosjen e AKSHI-t.
Me arrestimin në Plepa, autoritetet ekzekutuan masën e sigurisë ndaj Ergys Agasit pas më shumë se tetë muajsh në kërkim, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
