Një aksident tragjik ka ndodhur në ishullin turistik Phuket të Tajlandës, ku biznesmeni australian Roger John Hussey, 71 vjeç, ka humbur jetën gjatë një aktiviteti parasailing.
Sipas raportimeve të mediave të huaja, 71-vjeçari ishte duke kryer fluturimin me parashutë të tërhequr nga një motoskaf, kur për arsye që ende nuk janë sqaruar plotësisht, ra nga një lartësi prej rreth 30 metrash në det.
Menjëherë pas incidentit, ekipet e shpëtimit dhe shërbimet e emergjencës ndërhynë për ta nxjerrë nga uji dhe për t’i dhënë ndihmën e parë. Megjithatë, pavarësisht përpjekjeve të tyre, australiani nuk arriti t’u mbijetojë plagëve të marra.
Autoritetet tajlandeze kanë nisur hetimet për të zbardhur rrethanat e aksidentit, duke verifikuar nëse ngjarja është shkaktuar nga një problem teknik, gabim njerëzor apo faktorë të tjerë që lidhen me sigurinë e aktivitetit.
Parasailingu është një nga aktivitetet më të preferuara nga turistët në Phuket, por raste të tilla kanë rikthyer në vëmendje rëndësinë e respektimit të standardeve të sigurisë dhe kontrollit të pajisjeve që përdoren për këtë sport.
Hetimet për rastin janë ende në vijim, ndërsa autoritetet pritet të publikojnë më shumë detaje pas përfundimit të ekspertizave, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
