Një avion i kompanisë Olympic Air u detyrua të kthehej në Aeroportin “Diagoras” të Rodosit, vetëm pak minuta pas nisjes drejt Karpathosit, pasi u konstatua tym në njërin prej motorëve.
Avioni ATR 42-600, që kryente fluturimin OA94, kishte në bord 33 pasagjerë dhe tre anëtarë të ekuipazhit. Sipas informacioneve paraprake, problemi lidhej me sistemin e vajit dhe tymi nuk ishte shkaktuar nga një zjarr në motor.
Menjëherë pas sinjalizimit të defektit nga ekuipazhi, autoritetet e aeroportit aktivizuan procedurat përkatëse të sigurisë. Kapiteni vendosi të ndërpresë fluturimin dhe të rikthehet në Rodos, ku avioni u ul në mënyrë të sigurt.
Pasagjerët zbritën normalisht dhe nuk pati nevojë për evakuim emergjent, pasi situata nuk u përshkallëzua në një incident më serioz.
Udhëtarët mbetën përkohësisht në aeroport, në pritje të një avioni tjetër për të vijuar udhëtimin drejt Karpathosit.
Ndërkohë, ATR 42-600 do t’u nënshtrohet kontrolleve teknike për të përcaktuar shkakun e saktë të problemit në sistemin e vajit
