Një lajm i kobshëm është mësuar së fundmi pasi është ndarë nga jeta, një nga figurat më të shquara të mjekësisë shqiptare, ish-shefi i Okulistikës së QSUT-së njëherazi profesori i Fakultetit të Mjekësisë Sulejman Zhugli.
Lajmi i trishtë u mësua nga reagimi i bërë në Facebook të faqes së Fakultetit të Mjekësisë ku shkruhej se ka mbyllur sytë përgjithmonë një nga personalitetet më të shquara të mjekësisë shqiptare i cili për dekada radhazi shërbeu me përkushtim në fushën e mjekësisë dhe të arsimit.
“Fakulteti i Mjekësisë shpreh hidhërimin e thellë për ndarjen nga jeta të Profesor Sulejman Zhuglit dhe i përcjell ngushëllimet më të sinqerta familjes, të afërmve, miqve, kolegëve dhe gjithë komunitetit mjekësor.
Profesor Zhugli ishte një personalitet i shquar i mjekësisë shqiptare, i cili për dekada me radhë i shërbeu me përkushtim profesionit dhe arsimit mjekësor. Si ish-Shef i Shërbimit të Okulistikës në Qendrën Spitalore Universitare “Nënë Tereza”, ai dha një kontribut të çmuar në zhvillimin e okulistikës shqiptare, duke formuar breza të tërë mjekësh dhe specialistësh” shkruhet në postimin e bërë nga Fakulteti i Mjekësisë.
Sakaq mësohet se Zhugli, 3 ditë para s etë mbyllte sytë përgjithmonë kishte festuar ditëlindjen e tij. Detaj i cili u konfirmua nga reagimi i bërë nga miku i tij Hektor Toska.
“E takova pardje në mëngjes këtu në Golem. E kisha uruar përpara një ore me mesazh, pasi ishte dita e lindjes së tij. Një djalosh simpatik me trasta ne duar e shoqëronte. Ja Hektor i dashur, më tha, ky djalosh më ndihmon të shpie ne shtëpi këto trastat. Nuk kam fuqi, mosha bën të vetën. E përqafova. Ka akoma njerëz të mirë në këtë botë, vazhdoi Profesori, djem e vajza të reja, të bukur e të edukuar… Dhe më hodhi duart në qafë, si për të më thënë: ‘Ika, s’kam kohë!’” shkruan Toska në postimin e bërë ditën e djeshme.
Newsbomb.al i shpreh ngushëllime familjarëve, miqve dhe kolegëve për humbjen e kolegëve të Sulejmanit.
Reagimi i plotë i Fakultetit të Mjekësisë:
Fakulteti i Mjekësisë shpreh hidhërimin e thellë për ndarjen nga jeta të Profesor Sulejman Zhuglit dhe i përcjell ngushëllimet më të sinqerta familjes, të afërmve, miqve, kolegëve dhe gjithë komunitetit mjekësor.
Profesor Zhugli ishte një personalitet i shquar i mjekësisë shqiptare, i cili për dekada me radhë i shërbeu me përkushtim profesionit dhe arsimit mjekësor. Si ish-Shef i Shërbimit të Okulistikës në Qendrën Spitalore Universitare “Nënë Tereza”, ai dha një kontribut të çmuar në zhvillimin e okulistikës shqiptare, duke formuar breza të tërë mjekësh dhe specialistësh.
Me një karrierë të pasur pedagogjike, shkencore dhe profesionale, Profesor Zhugli u dallua për përkushtimin ndaj studentëve, standardet e larta akademike dhe angazhimin e vazhdueshëm në përhapjen e dijes. Si autor i teksteve universitare dhe botimeve profesionale, ai la pas një trashëgimi të vyer që do të vazhdojë t’u shërbejë brezave të ardhshëm.
Kujtimi i tij do të mbetet i gjallë në mendjet dhe zemrat e studentëve, kolegëve dhe të gjithë atyre që patën privilegjin ta njohin dhe të punojnë pranë tij.
I paharruar qoftë kujtimi Juaj!
Sapo mësova që ka mbyllur sytë e bukur Profesor Sulejman Zhugli, për një kohë të gjatë Shef i Sherbimit të Okulistikës në QSUNT-Tiranë, pedagog, udheheqes doktoraturash, kirurg me emer, me mbi 200 mije operacione, në 50 vjet pune të palodhur. Gjithmonë i thjeshtë e komunikues, siç janë përgjithësisht burrat e mençur.
E takova pardje në mëngjes këtu në Golem. E kisha uruar përpara një ore me mesazh, pasi ishte dita e lindjes së tij. Një djalosh simpatik me trasta ne duar e shoqëronte. Ja Hektor i dashur, më tha, ky djalosh më ndihmon të shpie ne shtëpi këto trastat. Nuk kam fuqi, mosha bën të vetën. E përqafova. Ka akoma njerëz të mirë në këtë botë, vazhdoi Profesori, djem e vajza të reja, të bukur e të edukuar… Dhe më hodhi duart në qafë, si për të më thënë: “Ika, s’kam kohë!”
E perqafova edhe unë fort, fort. Dhe u ndamë…
Çudi, nisa të mendoja, Profesori nuk të ndahet pa fiksuar një datë tjetër takimi! Mbase ishte i lodhur. Mbase qe i shqetësuar për drekën. Vallë do t’i vinin të gjithë të dashurit e zemrës? … Përpara kisha sytë e tij të bukur.
U prehsh në paqe, Profesor! Dyqindmijë palë sy do të përloten sot, në largimin tënd, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
