Shefat e Shtabit të Përbashkët të Forcave të Armatosura të Iranit kanë njoftuar mbylljen e Ngushticës së Hormuzit, duke e lidhur këtë vendim me atë që e cilësojnë si shkelje të armëpushimit nga Shtetet e Bashkuara dhe Izraeli.
Sipas agjencisë iraniane të lajmeve Mehr, autoritetet ushtarake iraniane deklaruan se mbyllja e një prej rrugëve detare më të rëndësishme në botë për transportin e naftës përbën “hapin e parë” të përgjigjes së Teheranit.
Në deklaratën e tyre, zyrtarët iranianë paralajmëruan se mund të ndërmerren masa të tjera në rast se, sipas tyre, vazhdojnë sulmet dhe shkeljet e marrëveshjes së armëpushimit të përcaktuar në memorandumin e mirëkuptimit.
<blockquote class="twitter-tweet" data-media-max-width="560"><p lang="en" dir="ltr"><a href="https://x.com/hashtag/BREAKING?src=hash&ref_src=twsrc%5Etfw">#BREAKING</a>: Iran's top joint military command says Strait of Hormuz is closed due to alleged US and Israeli violations of ceasefire MoU – Iranian media <a href="https://t.co/SEJLDGXpeb">pic.twitter.com/SEJLDGXpeb</a></p>— TRT World (@trtworld) <a href="https://x.com/trtworld/status/2068323249595809981?ref_src=twsrc%5Etfw">June 20, 2026</a></blockquote> <script async src="https://platform.x.com/widgets.js" charset="utf-8"></script>
Ngushtica e Hormuzit konsiderohet një pikë strategjike për tregtinë globale të energjisë, pasi një pjesë e konsiderueshme e eksporteve botërore të naftës dhe gazit kalon përmes saj. Çdo kufizim i lëvizjes në këtë korridor detar pritet të ketë ndikim të menjëhershëm në tregjet ndërkombëtare dhe çmimet e energjisë.
Deri tani nuk ka pasur reagime zyrtare nga Shtetet e Bashkuara apo Izraeli lidhur me deklaratat e autoriteteve iraniane.
Top Channel, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
