Prej disa javësh, raporti mes Arbana Osmanit dhe Top Channel është rikthyer në qendër të vëmendjes, pasi disa lëvizje në rrjetet sociale ngritën dyshimet se marrëdhëniet mes moderatores dhe drejtuesve të televizionit mund të ishin rregulluar.
Gjithçka nisi pasi u vu re se Arbana kishte nisur të ndiqte sërish në Instagram Ledion Liçon, si dhe Sara dhe Lori Hoxhën. Ky detaj u interpretua në rrjet si një sinjal afrimi pas periudhës së gjatë në të cilën moderatorja ka qëndruar larg Top Channel.
Madje, nuk munguan as aludimet për një rikthim të mundshëm të Arbanës në televizionin ku ajo ndërtoi një pjesë të rëndësishme të karrierës dhe drejtoi disa prej formateve më të mëdha, përfshirë “Big Brother VIP Albania”.
Por festa e 25-vjetorit të Top Channel duket se i ka zbehur ndjeshëm këto zëra.
Në eventin që mblodhi shumë prej figurave të lidhura me televizionin ndër vite, Arbana Osmani nuk ishte e pranishme. Mungesa e saj ra në sy pikërisht për shkak të aludimeve të fundit për një afrim me drejtuesit dhe një rikthim të mundshëm në ekran.
Fakti që moderatorja nuk ishte pjesë e një prej eventeve më të rëndësishme të televizionit tregon se, të paktën deri tani, afrimi i vënë re në Instagram nuk është shoqëruar publikisht me një rikthim profesional në Top Channel.
Interesant është fakti se në 25-vjetor mungoi edhe Bora Zemani, një tjetër moderatore emri i së cilës është përfolur së fundmi për një largim nga televizioni.
Sa i përket Arbanës, ndjekjet e rikthyera në Instagram mund të tregojnë se raportet personale janë normalizuar, por mungesa në përvjetorin e Top Channel e bën më pak të qartë skenarin e një rikthimi të afërt në televizion.
