Françeska Murati ka reaguar pas aludimeve të fundit që po qarkullojnë në rrjet për jetën e saj private dhe pretendimeve se pas ndarjes nga ish-bashkëshorti mund të ketë nisur një romancë me një burrë të martuar.
Gjithçka mori vëmendje pasi gazetari Elton Tozaj publikoi në Instagram një bisedë që pretendohet se është zhvilluar mes Françeskës dhe një ndjekëseje të saj. Krahas bisedës, gazetari shkroi me ironi: “Më pëlqen komunikimi kaq i ëmbël i influencereve tona me vajzat në Instagram! Dhe për më tepër më vdes kur i thotë s’ti hedh njeri sytë!”.
Në bisedën e publikuar, vëmendje morën veçanërisht dy mesazhe të ndjekëses: “Ke të drejtë, burrat e martuar nuk më shohin” dhe “As unë p.sh. nuk e lë burrin tim për një burrë të martuar”.
Këto fjali u interpretuan në rrjet si një referencë ndaj jetës sentimentale të Françeskës, duke sjellë aludime se personi me të cilin ajo mund të jetë në një lidhje është i martuar. Megjithatë, deri më tani nuk është paraqitur ndonjë provë publike që ta vërtetojë një pretendim të tillë.
Pas përhapjes së lajmit, Françeska ka reaguar në një koment në Instagram, duke i mohuar kategorikisht ato që po qarkullojnë.
“O Zot, ça janë këto gjëra të tmerrshme me AI. Latë nam me këto mashtrime”, ka shkruar ajo.
Me këtë reagim, ish-banorja e “Big Brother VIP Albania” pretendon se materiali që po qarkullon është i manipuluar përmes Inteligjencës Artificiale dhe i cilëson pretendimet si mashtrime.
Kjo nuk është hera e parë që emri i saj përfshihet në aludime për një lidhje të re. Vetëm pak javë më parë, Elton Tozaj deklaroi publikisht se Françeska ishte kthyer nga Londra në Shqipëri për një person tjetër.
Edhe atëherë ajo reagoi, duke i kërkuar gazetarit të paraqiste fakte dhe duke i cilësuar deklaratat e tij si të pavërteta.
Për momentin, Françeska nuk ka bërë publike ndonjë lidhje të re dhe pretendimi se bëhet fjalë për një burrë të martuar mbetet një aludim i pakonfirmuar, të cilin ajo tashmë e ka kundërshtuar publikisht, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
