Sezoni i ri i “Për’puthen” ende nuk ka nisur, por në rrjet kanë filluar që tani diskutimet për konkurrentët e rinj dhe, bashkë me to, edhe komentet ndaj moderatores Heidi Baci.
Gjithçka nisi pas prezantimit të një prej djemve që pritet të jetë pjesë e programit. Në faqen zyrtare të “Për’puthen” në Instagram u publikua videoja e tij, e shoqëruar me deklaratën: “Vij nga India për të gjetur nuse shqiptare”.
Postimi mori menjëherë vëmendje dhe solli reagime të shumta nga ndjekësit. Por një pjesë e komenteve nuk u drejtuan vetëm ndaj konkurrentit apo zgjedhjes së tij për të marrë pjesë në program, por edhe ndaj Heidi Bacit.
Moderatorja e re e “Për’puthen” është përballur kështu me komentet e para negative ende pa nisur transmetimi i sezonit. Disa prej ndjekësve e kanë lidhur atë drejtpërdrejt me përzgjedhjen e konkurrentëve, ndonëse nuk ka informacion që Heidi të jetë personi që vendos se cilët konkurrentë bëhen pjesë e formatit.
Mes komenteve nuk kanë munguar as batutat. Një prej ndjekësve shkruante: “Besoj kur djali nga India të thotë ‘dua nuse shqiptare’, kamera të afrohet 20 herë”, duke bërë ironi me mënyrën e dramatizimit të skenave që shpesh lidhet me kinematografinë indiane.
Pra, edhe përpara se Heidi Baci të shfaqet në ekran si moderatorja e sezonit të ri, prezantimet e konkurrentëve kanë mjaftuar që emri i saj të përfshihet në diskutimet e publikut.
Mbetet për t’u parë se si do të pritet Heidi në drejtimin e “Për’puthen” pasi programi të nisë zyrtarisht dhe publiku të ketë mundësinë të shohë konkretisht qasjen e saj në format.
