Një ngjarje tragjike ka tronditur opinionin publik shqiptar dhe italian. 25-vjeçari Rivaldo Rusi u vra në rrethana të rënda nga pronari italian i një vile në Campania të Italisë, gjatë një tentative grabitjeje që përfundoi me një viktimë dhe një të plagosur. Viktima ishte një nga tre të rinjtë shqiptarë që dyshohet se kishin hyrë në shtëpinë e biznesmenit Aurelio Valiante për të vjedhur, por skenari mori një kthesë fatale.
Ngjarja ndodhi në zonën Foria di Centola, ku sipas autoriteteve italiane, pronari i vilës, 58-vjeçari Valiante, ka dëgjuar zhurma në oborrin e banesës së tij dhe ka dalë menjëherë jashtë me pushkë gjahu në dorë. Sipas deklaratave të tij, ai u ka bërë thirrje hajdutëve të ndalojnë, por njëri prej tyre, sipas pretendimeve, ka hapur zjarr i pari, duke e detyruar Valiante të qëllojë në kundërpërgjigje.
Plumbi fatal goditi Rivaldo Rusin në shpinë, duke i shkaktuar vdekjen e menjëhershme. Trupi i të riut u transportua më pas nga vetë biznesmeni dhe u fsheh në një fuçi vere, e më pas u gropos në një zonë të largët. Ky veprim ka shtuar dyshimet ndaj Valiante, i cili aktualisht është nën hetim për vrasje dhe fshehje të trupit, ndonëse ndodhet në arrest shtëpie për arsye sigurie personale.
Ndërkohë, një tjetër shqiptar, Xhuljan Kurti, mbeti i plagosur rëndë në këtë përplasje të armatosur dhe u arrestua nga policia. Ai ndodhet në spitalin “Cardarelli” të Napolit nën mbikëqyrje policore. Një person i tretë, që dyshohet se ishte pjesë e grupit, është ende në kërkim nga autoritetet.
“Zemra ime, bubi im…” – Reagimi prekës i bashkëshortes
Mes kësaj tragjedie, Veronika, bashkëshortja e të ndjerit, ka shpërthyer në një mesazh emocional në rrjetet sociale, duke prekur mijëra ndjekës:
“Of mo Zot ça më ke bërë me këtë humbje, më ke marrë njeriun më të rëndësishëm në këtë univers. Of mor Vladi im, o bubi im, zemra ime…”
Postimi i saj ka qarkulluar me shpejtësi në rrjet, duke nxitur një valë reagimesh dhe komentesh mbështetëse nga qytetarë të zakonshëm dhe figura publike.
Autopsia dhe hetimet
Autopsia e kryer në spitalin e Vallo della Lucania konfirmoi se plumbi i vetëm në shpinë ka qenë fatal për 25-vjeçarin shqiptar. Ndërsa policia po heton nëse pretendimi i Valiante për “vetëmbrojtje” qëndron, shumë pikepyetje mbeten të hapura, përfshirë edhe mënyrën sesi u veprua pas vrasjes me zhvendosjen dhe fshehjen e trupit.
Nga ana tjetër, Kurti do të përballet me një sërë akuzash për tentativë vjedhjeje, mbajtje të armës pa leje dhe plagosje, ndërsa pritet që procesi ndaj të dyshuarve dhe dëshmitarëve të sjellë më shumë dritë mbi rrethanat e vërteta të ngjarjes.
Fati tragjik i një të riu shqiptar
Rivaldo Rusi kishte emigruar në Itali prej disa vitesh dhe jetonte në komunën Francolise, në provincën e Caserta-s. Të afërmit dhe miqtë e tij e përshkruajnë si një djalë të heshtur dhe të dashur, ndonëse jeta e tij përfundoi në mënyrën më të dhimbshme. Një jetë e re u shua, një familje u shpërbë, dhe një vend i tërë ndjeu tronditjen.
Ngjarja ka hapur debat të gjerë në opinionin publik, jo vetëm për pasojat tragjike të krimit, por edhe për trajtimin ligjor të rasteve të vetëmbrojtjes në Itali – një temë delikate që përplaset midis drejtësisë, moralit dhe sigurisë publike, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
