Një konflikt i vogël familjar u shndërrua në një tragjedi të përgjakshme në Florida, kur një burrë 47-vjeçar, nën ndikimin e alkoolit, vrau bashkëshorten e tij, qëlloi në fytyrë vajzën e tij 13-vjeçare nga martesa e mëparshme dhe më pas i dha fund jetës, njoftuan autoritetet lokale.
Sipas sherifit të qarkut Polk, Grady Judd, 47-vjeçari Jason Kenny ishte i dehur kur shpërtheu një debat i ashpër me bashkëshorten e tij, Crystal Kenny, pasi ajo i kërkoi të fikte ndeshjen e NFL mes San Francisco 49ers dhe Indianapolis Colts, që transmetohej në kuadër të “Monday Night Football”.
Situata u përshkallëzua aq shumë, sa Crystal Kenny dyshohet se i kërkoi djalit të saj 12-vjeçar të telefononte policinë. I mituri vrapoi i tmerruar në shtëpinë e një fqinji, nga ku dëgjoi disa të shtëna me armë zjarri, raportojnë mediat amerikane.
Kur policia mbërriti në banesën e familjes, gjeti gruan të pajetë nga një plumb, ndërsa vajza 13-vjeçare ishte qëlluar në fytyrë dhe në shpatull. Ajo u transportua me urgjencë në një spital lokal në gjendje kritike, por arriti të mbijetojë dhe të dëshmojë para autoriteteve.
“E lutesha: ‘Mos më qëllo, mos më qëllo’, dhe megjithatë më qëlloi”, mësohet se u ka thënë vajza policëve, sipas sherifit.
Djali 12-vjeçar i familjes nuk u lëndua, ndërsa vajza njëvjeçare e çiftit u gjet e padëmtuar, duke fjetur në krevatin e saj. Jason Kenny ishte njerku i dy fëmijëve më të rritur të bashkëshortes së tij.
Pas krimit, 47-vjeçari u largua nga shtëpia dhe telefonoi motrën e tij, e cila jeton në Nju Jork, duke i thënë se kishte “bërë diçka shumë të keqe” dhe se nuk do të flisnin më kurrë. Më pas shkoi në shtëpinë e të atit, ku u lokalizua nga policia. Ndërsa efektivët përpiqeshin ta bindnin të dilte nga një strehë në oborr, ai u vetëqëllua dhe humbi jetën.
Gjatë kontrollit në banesë, policia gjeti edhe një letër që Crystal Kenny i kishte shkruar bashkëshortit të saj, ku i kërkonte të kërkonte ndihmë për problemet e varësisë. “Ti pi, po përdor sërish kokainë. Kjo nuk është mënyra se si duhet të funksionojë një familje. Ke nevojë për Zotin”, thuhej në letër.
Fëmijët që mbijetuan tragjedinë janë vendosur nën kujdesin e gjyshërve të tyre. “E gjithë familja u shkatërrua”, deklaroi sherifi Grady Judd, duke përshkruar një skenë që tronditi edhe policët më me përvojë. “Ishte një pemë e bukur Krishtlindjeje, me dhurata poshtë, ashtu si në një familje normale. Dhe megjithatë, gjithçka përfundoi aty, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
