Një 44-vjeçar shqiptar, i akuzuar si “koka” e një grupi të organizuar të trafikut të kokainës, është dënuar me shtatë vite e gjashtë muaj burg në Britani.
Rezart Balesi akuzohej se drejtonte një rrjet të shpërndarjes së kokainës, ku përfshiheshin edhe djali i tij, Joshua Balesi, 22 vjeç, dhe vëllai i tij, Refail Balesi, 39 vjeç. Grupi përdorte ËhatsApp-in për marrjen e porosive dhe organizimin e dërgesave të drogës.
Mesazhet e sekuestruara tregonin se grupi mund të siguronte deri në 9,000 paund në një natë.
Djali dhe vëllai kontrollonin linjën e porosive
Sipas prokurorisë, Joshua dhe Refail Balesi merrnin porositë përmes telefonit për kokainë dhe më pas udhëzonin shpërndarësit e besuar për të kryer dorëzimet.
Dënime edhe për shpërndarësit
Në kuadër të së njëjtës çështje, u dënuan edhe disa persona të tjerë:
Fatos Vrenezi, 53 vjeç – 4 vite burg.
Lorenzo Canovi, 48 vjeç – 37 muaj burg.
Immanuel Lumaj, 30 vjeç – 3 vite e 9 muaj burg.
Fjoraldo Lukaj, 31 vjeç – 3 vite e 6 muaj burg dhe do të përballet me deportimin.
Antonino Precaj, 33 vjeç – 27 muaj burg për rolin e tij në një komplot të veçantë për kultivimin e kanabisit, ku ishte përfshirë edhe Joshua Balesi.
Sipas autoriteteve, aktiviteti kriminal ka vijuar nga maji 2024 deri në mars 2026.
