Një ngjarje tragjike është regjistruar në qytetin Bilaspur të Indisë, ku një punëtor ka humbur jetën dhe tre të tjerë kanë mbetur të plagosur pas shpërthimit të një gome gjatë procesit të fryrjes në një punishte.
Sipas mediave lokale, shpërthimi ka qenë jashtëzakonisht i fuqishëm, duke shkaktuar panik mes punëtorëve dhe personave që ndodheshin pranë vendit të ngjarjes. Forca e shpërthimit ka hedhur disa persona në tokë dhe ka shkaktuar lëndime të rënda.
Menjëherë pas incidentit, ekipet e emergjencës dhe ambulancat kanë mbërritur në vendngjarje, duke transportuar të plagosurit në spital për trajtim mjekësor. Pavarësisht përpjekjeve të mjekëve, njëri prej punëtorëve nuk arriti t’u mbijetojë plagëve të marra.
Autoritetet lokale kanë nisur hetimet për të përcaktuar shkaqet e sakta të shpërthimit dhe për të verifikuar nëse janë respektuar standardet e sigurisë gjatë punës në punishte.
Pamjet e momentit të shpërthimit janë publikuar në rrjetet sociale dhe tregojnë fuqinë e madhe të shpërthimit, duke rikthyer vëmendjen te rreziqet që paraqesin punët industriale kur nuk respektohen masat e nevojshme të sigurisë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
