Prindërit në Beograd do të përfitojnë edhe këtë vit mbështetje financiare për fëmijët e tyre që ndjekin arsimin fillor dhe të mesëm. Kuvendi i Qytetit të Beogradit më 27 shkurt 2026 miratoi zyrtarisht vendimin për ndarjen e ndihmës prej 20.000 dinarësh për çdo nxënës, një masë që zbatohet për të tretin vit radhazi.
Sipas vendimit, ndihma do të paguhet në katër këste të barabarta prej 5.000 dinarësh gjatë muajve qershor, korrik, gusht dhe shtator, me qëllim që familjet të përballojnë më lehtë shpenzimet për vitin e ri shkollor.
Të drejtë për këtë ndihmë kanë nxënësit e shkollave fillore dhe të mesme, publike ose private, që ndjekin mësimin në territorin e Beogradit dhe janë të regjistruar si nxënës të rregullt për vitin shkollor 2026/2027.
Paratë do të transferohen drejtpërdrejt në llogarinë bankare të prindit ose kujdestarit ligjor. Procedura e aplikimit zhvillohet përmes shkollave, ku prindërit duhet të plotësojnë formularin e nevojshëm dhe ta dorëzojnë atë te mësuesi ose kujdestari i klasës. Më pas, dokumentacioni dërgohet nga vetë shkolla te Sekretariati për Arsim dhe Mbrojtje të Fëmijëve.
Sekretarja e qytetit për Arsim dhe Mbrojtje të Fëmijëve, Aleksandra Çamagiq, theksoi se sistemi do të funksionojë njësoj si në vitet e kaluara, duke shmangur procedurat e panevojshme burokratike për prindërit.
Autoritetet u bëjnë thirrje prindërve të kontrollojnë me kujdes të dhënat bankare para dorëzimit të formularit, pasi çdo gabim ose ndryshim i mëvonshëm i llogarisë mund të shkaktojë vonesa në pagesë.
Një përjashtim vlejnë nxënësit e klasës së parë, për të cilët aplikimi bëhet gjatë regjistrimit në shkollë.
Ndërkohë, familjet që tashmë përfitojnë mbështetje të tjera sociale ose libra falas përmes Ministrisë së Arsimit nuk e humbin të drejtën për këtë ndihmë. Kjo do të thotë se nxënësit nga kategoritë më të ndjeshme mund të përfitojnë njëkohësisht nga të dyja format e mbështetjes.
Prindërit që nuk e kanë regjistruar fëmijën deri në muajin qershor këshillohen të kontaktojnë sa më shpejt shkollën përkatëse për të verifikuar mundësinë e përfshirjes së mëvonshme në sistem dhe për të shmangur vonesat në pagesë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
