Ish-presidenti i Kosovës, Hashim Thaçi, ka reaguar pas verdiktit të 16 shtatorit nga Dhomat e Specializuara të Kosovës në Hagë, duke shprehur mirënjohjen për mbështetjen që ka marrë nga populli i Kosovës dhe faktori ndërkombëtar.
Përmes kryeavokatit të tij, Luka Misetiç, Thaçi u ka bërë thirrje qytetarëve të Kosovës që të ruajnë qetësinë pas vendimit të djeshëm dhe i ka njoftuar se do ta apelojnë vendimin.
“Hashim Thaçi dëshiron të shprehë mirënjohjen e tij të sinqertë për mbështetjen e madhe që ai, Kadri Veseli, Rexhep Selimi dhe Jakup Krasniqi kanë marrë nga populli i Kosovës dhe nga faktori ndërkombëtar, si dhe u bën thirrje qytetarëve të Kosovës që të ruajnë qetësinë në përgjigje të padrejtësisë së djeshme”, shkruan Luka Misetiç.
Mbrojtja e Thaçit shprehet se gjatë procesit gjyqësor ka pasur gabime të rëndësishme ligjore dhe faktike. Sipas avokatëve, gjatë gjykimit janë ngritur vazhdimisht shqetësime lidhur me drejtësinë procedurale dhe mënyrën e ndërhyrjeve të anëtarëve të Panelit të Gjykimit gjatë seancave.
Një tjetër pikë e kundërshtimit lidhet me rastin e Behajdin Allaqit. Sipas mbrojtjes, Paneli i Gjykimit deklaroi publikisht se Thaçi ishte i përfshirë në vrasjen e Allaqit, ndërkohë që më herët kishte urdhëruar që çështja të mos diskutohej në seanca publike dhe provat përkatëse të mbaheshin konfidenciale.
Mbrojtja pretendon se një situatë e tillë ka cenuar të drejtën e Thaçit për një gjykim të drejtë dhe se provat mbi të cilat është bazuar ky konkluzion duhet të jenë objekt i shqyrtimit publik.
“Mbrojtja do t’i apelojë vendimet e Panelit të Gjykimit për shkak të shkeljes së të drejtave të tij themelore për një gjykim të drejtë, sipas Konventës Evropiane për të Drejtat e Njeriut dhe Kushtetutës së Kosovës. Z. Thaçi mohon kategorikisht çdo përfshirje në vrasje“, shkruan ndër të tjera avokati.
Luka Misetic: Hashim Thaçi dëshiron të shprehë mirënjohjen e tij të sinqertë për mbështetjen e madhe që ai, Kadri Veseli, Rexhep Selimi dhe Jakup Krasniqi kanë marrë nga populli i Kosovës dhe nga faktori ndërkombëtar, si dhe u bën thirrje qytetarëve të Kosovës që të ruajnë qetësinë në përgjigje të padrejtësisë së djeshme.
Avokatët e z. Thaçi do ta apelojnë vendimin e djeshëm të gjykimit para Panelit të Apelit të Dhomave të Specializuara të Kosovës (DHSK), duke pretenduar se ka pasur gabime të rëndësishme ligjore dhe faktike që kanë cenuar drejtësinë e procesit gjyqësor.
Gjatë gjithë gjykimit, mbrojtja ka ngritur vazhdimisht shqetësime lidhur me drejtësinë procedurale, përfshirë shtrirjen e gjerë të pyetjeve të bëra drejtpërdrejt nga anëtarët e Panelit të Gjykimit, në një mënyrë që nuk krijonte përshtypjen e paanshmërisë. Mbrojtja pohon se ndërhyrjet gjyqësore e kaluan kufirin e kërkimit neutral të së vërtetës, duke cenuar përshtypjen e paanshmërisë që kërkohet sipas standardeve ndërkombëtare të drejtësisë. Kjo mungesë paanshmërie tani reflektohet në vendimin e Panelit të Gjykimit.
Mbrojtja argumenton se konstatimet e Panelit të Gjykimit për fajësinë “përtej dyshimit të arsyeshëm” mbështeten në prova të pamjaftueshme dhe të pakonfirmuara. Për më tepër, dje Paneli i Gjykimit pretendoi publikisht se z. Thaçi ishte i përfshirë në vrasjen e Behajdin Allaqit, pasi më parë kishte urdhëruar të gjitha palët në çështje që të mos diskutonin për rastin e z. Allaqi në seancë publike dhe pasi kishte urdhëruar që të gjitha provat lidhur me atë rast të mbaheshin konfidenciale.
Kështu, Paneli i Gjykimit e ka shpallur publikisht z. Thaçi fajtor për një vrasje, ndërkohë që provat mbi të cilat u bazua ky përfundim i ka mbajtur të fshehura nga shqyrtimi publik. Z. Thaçi do ta mirëpriste një shqyrtim të tillë publik të provave.
Mbrojtja do t’i apelojë vendimet e Panelit të Gjykimit për shkak të shkeljes së të drejtave të tij themelore për një gjykim të drejtë, sipas Konventës Evropiane për të Drejtat e Njeriut dhe Kushtetutës së Kosovës. Z. Thaçi mohon kategorikisht çdo përfshirje në vrasje.
Respektimi i standardeve rigoroze të drejtësisë procedurale është thelbësor për ruajtjen e besimit të publikut te institucionet ndërkombëtare penale. Mbrojtja do të dorëzojë zyrtarisht Njoftimin e Apelit para Panelit të Apelit, me qëllim korrigjimin e këtyre gabimeve faktike, ligjore dhe procedurale.
Hashim Thaçi wishes to express his sincere appreciation for the outpouring of support he and Kadri Veseli, Rexhep Selimi and Jakup Krasniqi have received from the people of Kosovo and internationally, and calls upon Kosovo’s citizens to remain peaceful in response to yesterday’s injustice.
Mr. Thaçi’s lawyers will appeal yesterday’s Trial Judgment before the Appeals Panel of the Kosovo Specialist Chambers (KSC), asserting significant errors of law and fact that prejudiced the fairness of the proceedings.
Throughout the trial, the Defence repeatedly raised concerns regarding procedural fairness, including the extensive scope of questioning conducted directly by members of the Trial Panel in a manner that did not create the appearance of impartiality. The Defence maintains that judicial interventions crossed the boundary of neutral truth-seeking, compromising the appearance of impartiality required under international standards of justice. That lack of impartiality now permeates the Trial Panel’s Judgment.
The Defence submits that the Trial Panel’s findings of guilt beyond a reasonable doubt rely on insufficient and uncorroborated evidence. Moreover, the Trial Panel yesterday publicly claimed that Mr. Thaçi was involved in the murder of Behajdin Allaqi after having ordered all parties in the case not to discuss the case of Mr. Allaqi in public session in court, and after having ordered all of the evidence related to that case to be kept confidential. The Trial Panel has thus publicly convicted Mr. Thaçi of a murder while also keeping the evidence on which it drew this conclusion shielded from public scrutiny. Mr. Thaçi would welcome such public scrutiny of the evidence. The Defence will appeal the Trial Panel’s decisions for violating his fundamental fair trial rights under the European Convention on Human Rights and the Kosovo Constitution. Mr. Thaçi expressly denies any involvement in murders.
Adherence to rigorous standards of procedural fairness is vital to maintaining public confidence in international criminal institutions. The Defence will formally submit its Notice of Appeal to correct these factual, legal and procedural errors before the Appeals Panel.
— Luka Misetic (@MiseticLaw) September 17, 2026
