Një aksident i rëndë trafiku është regjistruar në shtetin e Nevadës në SHBA, ku një përplasje e fuqishme mes disa automjeteve ka lënë të paktën gjashtë persona të plagosur, mes tyre edhe një burrë 84-vjeçar.
Sipas autoriteteve lokale, në aksident janë përfshirë një Porsche 911 GTS, një Audi RS5 dhe një kamionçinë Toyota. Dyshohet se drejtuesit e Porsche-s dhe Audi-t po lëviznin me shpejtësi të madhe në momentin kur ndodhi aksidenti.
Një video që po qarkullon gjerësisht në rrjetet sociale ka kapur momentin dramatik të përplasjes. Pamjet tregojnë se Porsche 911 GTS, me një vlerë që arrin rreth 200 mijë dollarë, dhe Audi RS5 kalojnë semaforin me dritë të kuqe me shpejtësi të lartë, përpara se Porsche të përplaset fuqishëm me kamionçinën Toyota që po kalonte në kryqëzim.
Si pasojë e përplasjes, gjashtë persona mbetën të plagosur. Mes tyre janë drejtuesi 84-vjeçar i Toyota-s, shoferi i mitur i Porsche-s, si dhe drejtuesi dhe pasagjeri i Audi-t, të cilët janë të rritur. Edhe dy persona të tjerë pësuan lëndime dhe morën ndihmë mjekësore.
Shërbimet e emergjencës mbërritën menjëherë në vendngjarje, ndërsa të plagosurit u transportuan në spital për trajtim. Deri më tani nuk raportohet për viktima.
Policia ka nisur hetimet për zbardhjen e plotë të rrethanave të aksidentit, ndërsa videoja e publikuar pritet të shërbejë si një nga provat kryesore për përcaktimin e përgjegjësisë së drejtuesve të automjeteve.
Pamjet e aksidentit janë bërë virale në rrjetet sociale, duke rikthyer debatin mbi rreziqet e shpejtësisë së lartë dhe mosrespektimit të sinjalistikës rrugore, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
