Në redaksinë e JOQ kanë mbërritur këto pamje nga Gjiri i Lalzit, ku shihet një masë uji me ngjyrë të errët që derdhet në det dhe përhapet përgjatë bregdetit.
Një situatë shqetësuese është raportuar nga Gjiri i Lalzit, ku qytetarët kanë dërguar në redaksinë e JOQ Albania pamje që tregojnë një masë uji me ngjyrë të errët duke u derdhur në det.
Sipas pamjeve, rrjedhja krijon një shirit të dukshëm me ngjyrë të errët, i cili përhapet përgjatë vijës bregdetare dhe ngjall shqetësime te pushuesit dhe banorët e zonës.
Për momentin, nga videot dhe fotografitë e publikuara nuk është e mundur të përcaktohet natyra e kësaj rrjedhjeje, nëse bëhet fjalë për ujëra të ndotura, mbetje të tjera apo një fenomen tjetër. Megjithatë, pamjet kanë ngritur pikëpyetje dhe kanë nxitur reagime në rrjetet sociale.
Qytetarët kërkojnë që institucionet përgjegjëse të verifikojnë rastin dhe të sqarojnë burimin e rrjedhjes, si dhe nëse ajo paraqet rrezik për mjedisin, detin apo shëndetin e pushuesve.
Gjiri i Lalzit është një nga destinacionet më të frekuentuara turistike gjatë sezonit veror, ndaj çdo dyshim për ndotje të ujërave ngjall shqetësim të madh si te qytetarët ashtu edhe te bizneset që operojnë në këtë zonë.
Deri në momentin e publikimit të këtij lajmi, nuk ka një reagim zyrtar nga institucionet kompetente lidhur me pamjet e publikuara.
JOQ Albania u bën thirrje autoriteteve përkatëse që të verifikojnë situatën në terren, të analizojnë përmbajtjen e rrjedhjes dhe të informojnë publikun mbi natyrën e saj, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
