Trupi i gjetur i lidhur me pranga në duar, vrarë dhe djegur brenda një makinë që ishte vjedhur më herët, i përket të riut shqiptar nga Tepelena, që ishte zhdukur pa gjurmë prej 4 nëntorit në Greqi dhe familjarët kërkuan ndihmë për gjetjen.
Viktima, sipas medias greke “Protothema” është 27-vjeçari Sulo Astrit Halili, nga Becishti. Identifikimi i tij u bë fal analizave të ADN-së, pak pasi u morën kampione biologjike nga të afërmit për krahasim. Gjithashtu vijon ekspertimi për pjesën metalike që u gjet në trupin e të riut dhe që besohet se është predhë plumbi, por pritet rezultati balistik.
Burri u gjet i djegur në sediljen e pasme të një makine dhe i prangosur. Makina ishte vjedhur nga zona e Glyfadës dhe kishte targa të falsifikuara.
“Burri 27-vjeçar i gjetur në Skourta, Viotia, ishte qëlluar me armë zjarri. Autorët e krimit, pasi qëlluan dhe vranë të riun nga Shqipëria, e vendosën trupin e tij në sediljen e pasme të makinës së vjedhur dhe e dogjën.
Në veçanti, në trupin e karbonizuar u gjet një fragment plumbi, që tregon se burri ishte qëlluar me armë zjarri, por pika e hyrjes së plumbit nuk mund të përcaktohej duke pasur parasysh gjendjen në të cilën u gjet trupi”, informon media në fjalë.
Trupi u gjet më 7 nëntor, vetëm 3 ditë pasi ishte deklaruar humbja e shqiptarit. Disa hipoteza janë hedhur për motivet e ngjarjes, duke e lidhur edhe me një tjetër vrasje të ndodhur në zonë ditë para se të zhdukej 27-vjeçari, por nuk ka prova konkrete. Hakmarrja mbetet pista më e besuar, por policia greke nuk ka ende autorë të dyshuar apo identifikuar.
Targa kishte targa të falsifikuara, të cilat korrespondonin me një automjet të të njëjtit lloj nga zona e Pierias. Deri më tani, policia nuk ka asnjë ide për motivet e mundshme të autorëve. Megjithatë, viktima, ditën e zhdukjes së tij, i kishte thënë familjes së tij se do të shkonte në Vilia me makinën e tij.
Zëdhënësja e Shtypit e Policisë Helenike, Constantia Dimoglidou, kishte zbuluar se automjeti ishte dërguar në laboratorët mjeko-ligjorë, ku u mblodhën të dhëna për të identifikuar ADN-në dhe gjurmët e gishtërinjve, ndërsa sipas Policisë, makina dhe trupi qëndruan në vendngjarje për të paktën dy 24 orë para se të zbuloheshin, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
