Një ngjarje e rëndë ka tronditur qytetin e Bergamos në Itali mëngjesin e sotëm, ku një mësuese 55-vjeçare është sulmuar egërsisht me thikë nga një prej nxënësve të saj. Ngjarja ndodhi në hyrje të një shkolle të mesme profesionale, pak minuta para se të binte zilja për nisjen e procesit mësimor.
Sipas raportimeve të para nga mediat italiane, mësuesja e gjuhës frënge u godit disa herë në pjesën e shpinës dhe të qafës përpara syve të nxënësve të tjerë dhe kolegëve që po hynin në godinë.
Mësuesja u transportua me urgjencë drejt spitalit “Papa Giovanni XXIII” në Bergamo. Burimet mjekësore konfirmojnë se ajo i është nënshtruar një ndërhyrjeje kirurgjikale delikate dhe aktualisht ndodhet në gjendje kritike për jetën, nën monitorim të vazhdueshëm në reanimacion.
Nxënësi, i cili dyshohet se është rreth 17 vjeç, u bllokua menjëherë nga personeli i shkollës deri në mbërritjen e karabinierëve, të cilët bënë arrestimin e tij në flagrancë. Arma e krimit u sekuestrua në vendngjarje.
Deri më tani, motivet e këtij sulmi mbeten krejtësisht të paqarta. Nuk raportohet për konflikte të mëparshme të rënda mes nxënësit dhe mësueses, ndërsa hetuesit po marrin në pyetje shokët e klasës dhe familjarët e të riut për të kuptuar gjendjen e tij psikologjike.
Ky incident ka ngritur alarm në Ministrinë e Arsimit në Itali, ku ministri ka shprehur solidaritetin me mësuesen dhe ka dënuar aktin si një sulm ndaj gjithë sistemit arsimor. Shkolla ka pezulluar mësimin për ditën e sotme, ndërsa pritet që nxënësve t’u ofrohet asistencë psikologjike për të kaluar traumën e dëshmuar.
Hetimet po vijojnë për të zbardhur nëse sulmi ishte i planifikuar apo një veprim i çastitdo t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
