Kina ka prezantuar një zhvillim të ri në fushën e teknologjisë së avancuar, duke sjellë dronë miniaturë që arrijnë përmasa sa një insekt, transmeton KultPlus.
Këto mikro-pajisje fluturuese janë të dizajnuara për misione survejimi dhe mbledhje të dhënash, duke përdorur struktura që imitojnë lëvizjet natyrore të insekteve. Përmasat e tyre të vogla u mundësojnë të hyjnë në hapësira të ngushta dhe të operojnë pothuajse pa u vërejtur.
Sipas raportimeve ndërkombëtare, kjo teknologji shihet si një hap i madh përpara në zhvillimin e inteligjencës artificiale dhe pajisjeve të fshehta, me potencial përdorimi në fusha të ndryshme, nga siguria deri te kërkimet shkencore.
Megjithatë, zhvillimi i këtyre dronëve ka ngritur edhe shqetësime të reja lidhur me privatësinë dhe përdorimin e tyre për qëllime mbikëqyrjeje, duke hapur debat mbi kufijtë etikë të teknologjisë moderne, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
