Diskutimet në studion e emisionit “Top Story” me Grida Dumën këtë të hënë kanë prodhuar një lajm të bujshëm lidhur me lëvizjet strategjike të opozitës për sfidën e ardhshme elektorale në kryeqytet.
Analisti Arjan Curri ka zbuluar informacione nga “korridoret” e selisë blu, duke pohuar se aktori i njohur Florian Binaj nuk është më alternativa kryesore e demokratëve dhe Sali Berishës për Bashkinë e Tiranës.
Sipas Currit, e djathta shqiptare duket se ka ndryshuar kurs, duke u orientuar drejt një figure me profil teknik dhe profesional, që gëzon mbështetje të gjerë brenda anëtarësisë. Ky ndryshim strategjie vjen në një kohë kur partitë politike po riformatojnë strukturat e tyre për t’u përballur me mazhorancën në qendrën kryesore të votave në vend.
Surpriza e zbuluar nga Curri lidhet me emrin e mjekut epidemiolog, Ilir Alimehmeti, i cili sipas analistit, është i përzgjedhuri i ri për të garuar nën logon e PD-së. “Unë kam informacion që kandidimin nuk do t’ia japin më Florit. Ja kanë premtuar Ilir Alimehmetit, në dijeninë time”, deklaroi Curri, duke lënë të kuptohet se marrëveshja mund të jetë tashmë e mbyllur.
Ky informacion u përforcua edhe nga drejtori i Top Channel, Robert Rakipllari, i cili u shpreh shkurt por prerë: “Këtë që the tani në fund e ke të saktë”. Alimehmeti, i cili ka qenë aktiv në jetën politike të PD-së edhe në proceset e mëparshme të primareve, shihet si një kandidaturë që bashkon faktorët brenda opozitës së përçarë.
Moderatorja e emisionit, Grida Duma, nuk e ka fshehur habinë dhe skepticizmin e saj lidhur me këtë lëvizje të mundshme të ish-kolegëve të saj në PD. Ajo e cilësoi lënien jashtë të Florian Binajt si një lëvizje të rëndë politike, duke përdorur terma sportivë për të përshkruar efektin që kjo mund të ketë te mbështetësit.
“Nëse rezulton kështu, do të jetë goditje poshtë brezit”, u shpreh Duma, duke lënë të kuptohet se mënjanimi i një figure publike si Binaj, që u përfshi me vrull në kauzat e opozitës, mund të krijojë kosto në imazh. Diskutimi vjen fill pas ndryshimeve të fundit në Partinë Socialiste, duke treguar se të dyja kampet po nxitojnë të pozicionohen për betejën e Tiranës.
Zgjedhja mes një aktori shumë të dashur për publikun si Florian Binaj dhe një mjeku të respektuar si Ilir Alimehmeti tregon dilemën e madhe të Partisë Demokratike. Ndërsa Binaj ofronte akses te vota e të rinjve dhe shtresës gri përmes popullaritetit, Alimehmeti ofron stabilitet dhe një profil që i përgjigjet kritikave për mungesë alternativash serioze.
Nëse ky informacion konfirmohet zyrtarisht nga selia blu, mbetet për t’u parë se cili do të jetë reagimi i vetë Binajt dhe nëse ai do të vazhdojë të mbështesë aksionin e opozitës. Tirana mbetet “stacioni” më i rëndësishëm politik në Shqipëri, ku çdo emër i propozuar peshohet me kujdes përballë makinës elektorale të socialistëve, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
