Sot më 3 gusht festohet Dita Botërore e Shalqirit. Në këtë ditë njerëzit në mbarë botën festojnë frutin e shijshëm dhe freskues i cili daton që nga Egjipti i Lashtë.
Gjurmët e shalqirit dhe farave të tij janë zbuluar në vendet e dinastisë së 12-të egjiptiane, duke përfshirë edhe varrin e mbretit Tutankhamen. Në mbishkrimet e lashta egjiptiane janë gjetur edhe piktura të llojeve të ndryshme të shalqirit.
Farat e shalqirit u shiteshin tregtarëve që kalonin nëpër rrugët tregtare në shkretëtirën Kalahari në Afrikë. Nga atje, kultivimi i shalqirit u përhap në të gjithë Afrikën. Origjina e paraardhësit të shalqirit ishte në Afrikë, pas së cilës u përhap në vendet e Mesdheut dhe pjesë të tjera të Evropës. Nga fundi i shekullit të nëntë, kultivimi i shalqirit u bë i zakonshëm në Kinë dhe në pjesën tjetër të Azisë.
Çdo pjesë e shalqirit është e ngrënshme, duke përfshirë edhe lëkurën e hedhur shpesh, e cila ka shumë lëndë ushqyese.
Shalqiri ka tërhequr vëmendjen e studiuesve të shëndetit për përmbajtjen e tij të pasur të antioksidantit likopen, i cili mund të ndihmojë në uljen e rrezikut të disa llojeve të kancerit, duke përfshirë kancerin e mushkërive, stomakut dhe prostatës.
Me përmbajtjen e tij mbresëlënëse prej 92% ujë, shalqiri ju mban të hidratuar.
