Selin Bollati ka reaguar publikisht pas disa komenteve fyese që ka marrë në rrjetet sociale për fizikun e saj.
E njohur për linjat e holla trupore, Selin ka zgjedhur këtë herë të publikojë një prej mesazheve që i kishte mbërritur nga një ndjekëse, e cila e ofendonte pikërisht për pamjen.
“O skeleti njëherë, çfarë je ngritur si thi”, shkruhej në mesazhin që ajo publikoi në Instagram Story.
Selin fillimisht iu përgjigj me ironi, duke komentuar dy cilësimet që ndjekësja kishte përdorur ndaj saj.
“Përshëndetje, zonja këtu? Që më quan skelet dhe thi, pra praktikisht jam një skelet thiu. Si t’i përgjigjem unë, hë?”, shkroi ajo.
Më pas, reagimi i saj u përqendrua te komentet e vazhdueshme që merr për peshën. Selin bëri të qartë se ndihet mirë me fizikun e saj dhe se nuk dëshiron që të tjerët t’i tregojnë se çfarë duhet të bëjë me trupin.
“Nuk dua të shëndoshem! Nuk do të shëndoshem! Do të bëj stërvitje, do të mbaj dietë. Nëse ju që më jepni mend se çfarë të bëj me trupin tim, dëgjoni dikë që ju drejton se çfarë të bëni ju me trupin tuaj, ndryshoni sa jeni në kohë!”, u shpreh ajo.
Në fund, Selin theksoi se mënyra se si e sheh veten nuk varet nga pesha dhe se do të vazhdonte ta pranonte trupin e saj edhe nëse ai do të ndryshonte.
“E adhuroj trupin tim kështu siç është dhe nëse nesër bëhem obeze, prapë do ta dashuroj! Problemi yt cili është këtu?”, përfundoi Selin, duke kërkuar kështu që komentet mbi trupin e saj të mos kthehen në një standard se si ajo duhet të duket.
