Një vajzë që u zhduk pa lënë gjurmë 32 vite më parë në një qytet të vogël në Arizona është gjetur e gjallë, duke zgjidhur një nga rastet më të vjetra të pazbardhura.
Christina Marie Plante, tashmë 44 vjeç, u identifikua këtë javë nga autoritetet, duke i dhënë fund një çështjeje që kishte mbetur e hapur për dekada.
Ajo ishte parë për herë të fundit në moshën 13-vjeçare, më 15 maj 1994, teksa largohej nga shtëpia e saj në Star Valley për t’u drejtuar drejt stallës së kuajve. Që nga ai moment, ajo “u zhduk pa gjurmë”, shkruan The Sun.
Zhdukja e saj u klasifikua si rrethanë e rrezikshme dhe e dyshimtë, duke nxitur një operacion të gjerë kërkimi nga policia, vullnetarët dhe komuniteti lokal. Megjithatë, për vite me radhë nuk u arrit asnjë gjurmë konkrete dhe rasti u konsiderua si “cold case”.
Rasti u rihap nga zyra e sherifit të qarkut Gila, e cila përmes përdorimit të teknologjisë moderne dhe teknikave të reja hetimore arriti një përparim vendimtar.
Pas më shumë se tre dekadash, autoritetet konfirmuan se Plante është gjetur e gjallë dhe identiteti i saj është verifikuar zyrtarisht. Për arsye privatësie dhe mirëqenieje, detaje të tjera mbi rastin nuk janë bërë publike.
Autoritetet theksojnë se mbeten të angazhuara për zbardhjen e rasteve të tjera të pazgjidhura dhe u bëjnë thirrje qytetarëve të kontribuojnë me çdo informacion të mundshëm, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
