Në fakt çka ndodhi sot? -Irani ka vazhduar t’i sulmojë me raketa në Emiratet e Bashkuara Arabe, Katar, Saudi, dhe Bahrein si dhe Izraelin.
-Gjysmëhëna e Kuqe Iraniane njofton se 201 persona u vranë dhe 747 u plagosën në bombardime.
-Spanja i ndaloi SHBA-së përdorimin e bazave ushtarake spanjolle për sulme kundër Iranit.
-Izraeli ka filluar bombardimin e Bejrutit.
-Gruaja e Khameneit, Mansour Hojastah Bakirzadeh, ka ndërruar jetë.
-Kryetari i Shtabit të Përbashkët të Ushtrisë Amerikane, Dan Caine, njoftoi se katër ushtarë amerikanë u vranë dhe se pritej të kishte më shumë viktima.
-Sekretari i Mbrojtjes i SHBA-së, Pete Hegseth, deklaroi se ata kishin nisur operacionin më vdekjeprurës ajror në histori.
-Ali Larijani, Sekretari i Këshillit Suprem të Sigurisë Kombëtare të Iranit, tha: “Ndryshe nga SHBA-të, ne jemi gati për një luftë të gjatë.”
-Forcat Mbrojtëse të Izraelit (IDF) njoftuan se Hussein Makled, kreu i qendrës së inteligjencës së Hezbollahut, u vra në një sulm në Bejrut.
-Izraeli njoftoi se ka zgjatur mbylljen e Aeroportit Ndërkombëtar Ben Gurion pranë Tel Avivit deri të premten.
-Një anije cisternë nafte u godit në portin e Bahreinit, i cili ndodhet në Gjirin Persik në Azi.
-Një deklaratë me shkrim nga Ministria e Mbrojtjes e Katarit deklaroi se irani ka sulmuar një rezervuar uji që i përkiste një termocentrali në rajonin Mesaieed, ndërsa tjetri kishte në shënjestër një strukturë energjetike të QatarEnergy në Qytetin Industrial Ras Laffan.
-Ndërsa sulmet reciproke vazhdojnë midis Iranit, Izraelit dhe SHBA-së, shpërthime të shumta të reja u dëgjuan në lindje dhe në jug të Teheranit.
-Ushtria amerikane: Tre nga avionët tanë luftarakë F-15E u rrëzuan në Kuvajt për shkak të zjarrit miqësor. Të gjashtë anëtarët e ekuipazhit u hodhën me parashutë shëndoshë e mirë.
-Garda Revolucionare Iraniane njoftoi se sulmi i saj i fundit me raketa kishte në shënjestër zyrën e Netanyahut dhe komandantin e Forcave Ajrore Izraelite në një sulm të papritur.
Sipas agjencisë së lajmeve Tasnim, Garda Revolucionare deklaroi se fati i Netanyahut ishte i pasigurtë.
-Përfaqësuesi i Iranit në Agjencinë Ndërkombëtare të Energjisë Atomike (IAEA) njoftoi se objekti bërthamor i Natanzit u godit në një sulm të përbashkët SHBA-Izrael.
-Izraeli bënë me dije se një anëtar i lartë i Hezbollahut vritet në Bejrut.
-Irani nisi një sulm me raketa ndaj një rafinerie nafte në rajonin Ras Tanuta të Arabisë Saudite.
-Gjysmëhëna e Kuqe Iraniane: Numri i të vdekurve nga sulmet izraelito-amerikane rritet në 555.
-Është raportuar se 27 civilë kanë humbur jetën deri më tani në provincën e Azerbajxhanit Lindor në sulmet e kryera nga SHBA-të dhe Izraeli kundër Iranit.
-Ambasada e SHBA-së në Kuvajt i ka paralajmëruar qytetarët e saj të “qëndrojnë aty ku janë dhe të mos vijnë në ambasadë” për shkak të kërcënimit të vazhdueshëm të sulmeve me raketa dhe dronë në vend.
-Një avion luftarak F-15E Strike Eagle i Forcave Ajrore Amerikane u rrëzua në Kuvajt, por piloti arriti të mbijetojë duke përdorur sediljen e hedhjes.
-Një aeroplan luftarak amerikan u rrëzua në Kuvajt, lloji i sulmit nuk është zbuluar ende.
-Ministria libaneze e Shëndetësisë raportoi se 31 persona u vranë dhe 149 u plagosën në sulmet ajrore izraelite në kryeqytetin Bejrut dhe rajonet jugore.
-Gjeneralmajor Rafi Milo, komandant i Frontit Verior të ushtrisë izraelite, njoftoi se do të intensifikojnë sulmet e tyre ndaj Libanit, duke përmendur Hezbollahun si arsye.
-Janë publikuar emrat e shtatë komandantëve të tjerë të rangut të lartë të vrarë në sulmet amerikane dhe izraelite ndaj Iranit. Agjencia e Lajmeve Tasnim bënë me dije se midis të vrarëve në sulmet amerikane dhe izraelite ishin:
1)Gjeneral Major Mohammad Shirazi, Sekretar i Përgjithshëm i Zyrës së Udhëheqësit Iranian Ali Khamenei;
2) Zëvendësi i tij, Gjeneral Major Akbar Ibrahimzadeh;
3) Mohseni Mutlak, Drejtor i Departamentit të Planifikimit dhe Operacioneve të Drejtorisë së Operacioneve të Shtabit të Përgjithshëm;
4) Gjeneral Major Saleh Asadi, Zv/drejtor i Drejtorisë së Inteligjencës së Shtabit të Përgjithshëm;
5) Gholamreza Rezaian, Drejtor i Organizatës së Inteligjencës për Zbatimin e Ligjit;
6) Gjeneral Major Hasan Ali Tajik, Drejtor i Departamentit të Përgatitjes së Shtabit të Përgjithshëm; dhe
7) Gjeneral Major Mohsen Darrehbaghi, Zëvendësdrejtor i Drejtorisë së Përgatitjes dhe Logjistikës së Forcave të Armatosura.
-Deklarata e djeshme nga Forcat e Armatosura Iraniane raportoi se Shefi i Shtabit të Përgjithshëm Abd al-Rahim Mousavi, Komandanti i Përgjithshëm i Korpusit të Gardës Revolucionare Mohammad Pakpour, Sekretari i Përgjithshëm i Këshillit të Mbrojtjes Ali Shamkhani dhe Shefi i Mbështetjes Logjistike të Forcave të Armatosura Aziz Nasirzadeh humbën jetën në sulmet gjatë takimit të Këshillit të Mbrojtjes.
-Në Skardu, një qytet në rajonin Gilgit-Baltistan të Pakistanit, është shpallur një shtetrrethim për shkak të protestave që shpërthyen pas vrasjes së udhëheqësit iranian Ajatollah Ali Khamenei në sulmet amerikano-izraelite.
-Ministri i Tregtisë së Turqisë, Ömer Bolat: Nuk ka situatë të jashtëzakonshme në pikat kufitare A?r?-Gürbulak, Van-Kap?köy dhe Hakkari-Esendere në kufirin Turqi-Iran. Kalimet e mallrave tregtare po vazhdojnë në kushte të kontrolluara. Kalimet e përditshme të pasagjerëve janë pezulluar reciprokisht.
-Ali Larijani, Sekretari i Këshillit Suprem të Sigurisë Kombëtare të Iranit, mohoi pretendimet se po përpiqej të riniste negociatat me Uashingtonin, duke njoftuar se Irani nuk do të negocionte me Shtetet e Bashkuara.
-Pas sulmeve SHBA-Izrael, Irani vazhdon të hakmerret me sulme ndaj objektivave që ka identifikuar në Izrael, si dhe në Katar, Emiratet e Bashkuara Arabe (EBA) dhe Bahrein, ku ndodhen bazat amerikane.
-Kryeministri japonez Takaichi Sanae tha: “Ne i bëjmë thirrje fuqimisht Iranit që të ndërpresë veprimet e tij destabilizuese në rajon, duke përfshirë sulmet ndaj vendeve fqinje, dhe të kërkojë një zgjidhje diplomatike, duke përfshirë negociatat.”
-Raportet tregojnë se shpërthime u dëgjuan në Teheran, kryeqytetin e Iranit, dhe në qytetin Karaj gjatë natës.
-Ushtria izraelite kërcënoi të sulmonte më shumë se 50 fshatra dhe qytete në Libanin jugor dhe Luginën Bekaa, duke u urdhëruar banorëve të largoheshin nga shtëpitë e tyre.
-Pas kërcënimit të sulmit të Izraelit, mijëra njerëz kanë filluar të ikin drejt Libanit verior.
-Ministria iraniane e Arsimit dhe Trajnimit njoftoi: “Deri më tani, 170 studentë dhe mësues kanë humbur jetën në Iran, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
