Një 19-vjeçar shqiptar ka humbur jetën në një aksident tragjik në një kantier ndërtimi në Londër, pasi ra në një bosht ventilimi nga një lartësi e madhe. Ngjarja është cilësuar nga autoritetet britanike si një tragjedi që mund të ishte shmangur plotësisht.
Viktima është Renols Lleshi, i cili po punonte në një ndërtesë në ndërtim në zonën e Mill Hill Road, Londër.
Sipas raportimeve, Renols Lleshi po ndihmonte në çmontimin e skelave në kopshtin e çatisë në katin e 12-të të një pallati në ndërtim në kantierin e Ark Soane Academy, më 5 korrik 2023.
Ndërsa po lëvizte në çati, ai shkeli mbi një mbulesë që mbulonte një bosht ventilimi. Mbulesa u shemb dhe 19-vjeçari ra rreth gjashtë kate poshtë, duke humbur jetën si pasojë e plagëve të rënda.
Një hetim i kryer nga Health and Safety Executive (HSE) zbuloi se boshti i ventilimit ishte mbuluar vetëm me një fletë kartoni gipsi dhe shkumë çatie, masa që konsiderohen tërësisht të pamjaftueshme sigurie.
Gjithashtu u zbulua se inspektimet rutinë të ndërtesës nuk përfshinin zonën e kopshtit të çatisë, duke bërë që rreziku të mos identifikohej dhe asnjë paralajmërim të mos i jepej ekipit që po punonte me skelat.
Kompania Jerram Falkus Construction Limited pranoi shkeljen e rregullave të sigurisë në punë dhe u gjobit me 42,200 paund. Gjithashtu, kompania u urdhërua të paguajë një shtesë prej 2,000 paund dhe 5,000 paund kosto gjyqësore nga Gjykata e Londrës.
Inspektorja e HSE, Natalie Prince, deklaroi se rëniet nga lartësia janë një nga shkaqet kryesore të vdekjeve në vendin e punës dhe se kjo ishte një ngjarje që mund të ishte shmangur plotësisht.
Babai i të ndjerit deklaroi se familja është e shkatërruar nga humbja e Renolsit dhe se fakti që vdekja e tij mund të ishte shmangur e bën dhimbjen edhe më të madhe.
Ai falënderoi autoritetet britanike për hetimin e aksidentit dhe ndëshkimin e përgjegjësve, por theksoi se asgjë nuk mund ta kthejë më djalin e tyre dhe nuk mund ta lehtësojë dhimbjen e familjes, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
