Dy ngjarje tragjike kanë tronditur Kosovën gjatë ditës së sotme, ku dy gra kanë humbur jetën në rrethana të ndryshme në Mitrovicë dhe Podujevë, ndërsa autoritetet kanë nisur hetimet për zbardhjen e plotë të rasteve.
Ngjarja e parë është regjistruar në Mitrovicë, ku një 76-vjeçare është gjetur pa shenja jete në banesën e saj. Rastin e ka konfirmuar Policia e Kosovës, e cila ka bërë të ditur se në vendin e ngjarjes kanë dalë njësitë përkatëse policore dhe ekipi hetimor.
Me urdhër të prokurorit kompetent është iniciuar rasti “Hetim mbi vdekjen”, ndërsa trupi i pajetë është dërguar në Institutin e Mjekësisë Ligjore (IML) për obduksion, i cili pritet të sqarojë shkakun e vdekjes.
Vetëm pak orë më vonë, një tjetër ngjarje e rëndë u raportua në qendër të Podujevës, ku një grua dyshohet se ka rënë nga një objekt banesor.
Sipas informacioneve të para, viktima ka pësuar lëndime të rënda dhe nuk ka arritur t’u mbijetojë plagëve. Vdekja e saj është konstatuar në vendin e ngjarjes nga ekipi mjekësor.
Policia e Kosovës, në koordinim me Prokurorin e Shtetit, ka nisur hetimet për të sqaruar rrethanat e plota të këtij rasti, ndërsa deri më tani nuk janë bërë të ditura detaje shtesë mbi shkaqet e rënies.
Të dy rastet po trajtohen nga organet kompetente, të cilat pritet të dalin me informacione shtesë pas përfundimit të hetimeve dhe ekspertizave mjeko-ligjore.
Dy ngjarjet kanë shkaktuar pikëllim dhe shqetësim në opinion, ndërsa autoritetet u kanë bërë thirrje qytetarëve të presin rezultatet zyrtare të hetimeve, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
