FIFA dhe Federata Iraniane e Futbollit kanë zhvilluar një takim të rëndësishëm në Stamboll, ku është diskutuar pjesëmarrja e ekipit kombëtar iranian në Kupën e Botës.
Takimi u cilësua si “shumë konstruktiv” nga Sekretari i Përgjithshëm i FIFA-s, Mattias Grafström, i cili në deklaratën zyrtare theksoi se bashkëpunimi mes palëve po vazhdon ngushtë dhe se FIFA pret me padurim praninë e Iranit në turneun botëror.
Ai shtoi se gjatë takimit u diskutuan çështje operacionale dhe organizative, ashtu si me të gjitha federatat anëtare.
Edhe presidenti i Federatës Iraniane të Futbollit, Mehdi Taj, e cilësoi takimin pozitiv, duke theksuar se të dyja palët riafirmuan angazhimin për të garantuar pjesëmarrjen e Iranit në Kupën e Botës. Taj bëri të ditur gjithashtu se vizat për ekipin kombëtar ende nuk janë lëshuar, por procesi pritet të përfundojë në Turqi.
Takimi u zhvillua në selinë e Federatës Turke të Futbollit, ndërsa kombëtarja iraniane po përgatitet për një kamp stërvitor në Turqi përpara udhëtimit drejt SHBA-së.
Në listën paraprake prej 30 lojtarësh është përfshirë edhe sulmuesi Mehdi Taremi, ndërsa mungon emri i Sardar Azmoun. Ky i fundit, ish-lojtar i Bayer Leverkusen dhe Romës, u la jashtë skuadrës mes polemikave të fundit në Iran, pasi media shtetërore e kishte akuzuar për “tradhti” për shkak të një fotografie të publikuar me Emirin e Dubait.
Trajneri Amir Ghalenoei deklaroi se përjashtimi i Azmoun ishte vetëm për arsye teknike.
Irani, i kualifikuar për herë të katërt radhazi në Kupën e Botës, do ta nisë turneun më 15 qershor në Los Angeles kundër Zelandës së Re. Më pas iranianët do të përballen me Belgjikën më 21 qershor dhe do ta mbyllin fazën e grupeve ndaj Egjiptit më 26 qershor në Seattle, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
