Emri i Adem Jasharit lidhet me rezistencën e madhe të marsit të vitit 1998, por pak njerëz e dinë historinë e detajuar të përballjes së tij të parë të madhe me forcat policore plot shtatë vite më parë. Më 30 dhjetor të vitit 1991, fshati Prekaz i
Poshtëm u zgjua i rrethuar nga një numër i madh i forcave speciale policore dhe ushtarake, të cilat kishin marrë urdhër të prerë për ndalimin e Adem Jasharit dhe grupit të tij.
Ademi, i cili sapo ishte kthyer nga stërvitjet në Shqipëri bashkë me vëllanë e tij, Hamzën, dhe djem të tjerë të zonës, u gjend përballë një rrethimi të hekurt. Policia kishte pozicionuar autoblinda rreth lagjes Jashari, duke menduar se do t’i kapnin në
befasi. Megjithatë, ata hasën në një qëndresë që nuk e kishin llogaritur.
Adem Jashari dhe njerëzit e tij nuk pranuan t’u bindeshin urdhrave për dorëzim. Ata iu përgjigjën lëvizjeve taktike të forcave speciale dhe e thyen rrethimin e parë me një manovër të shpejtë.
Ajo që e bën këtë ngjarje edhe më të jashtëzakonshme është reagimi i popullatës civile. Sapo u dëgjuan sinjalet e para të kësaj përplasjeje, me qindra qytetarë dhe fshatarë nga rrethina e Skenderajt u nisën në këmbë drejt Prekazit për të bllokuar lëvizjet e forcave policore me praninë e tyre dhe për të mbrojtur familjen Jashari. Duke parë rrezikun e një kryengritjeje të madhe popullore dhe vendosmërinë e fortë të Ademit, forcat speciale u detyruan të tërhiqeshin në mbrëmje. Kjo ngjarje shënoi herën e parë që pushteti u thye hapur në Kosovë dhe vërtetoi se ndalimi i Adem Jasharit ishte një mision i pamundur, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
