Influencuesja dhe stilistja turke Aysegul Eraslan është gjetur e vdekur në apartamentin e saj në Stamboll, vetëm disa orë pasi kishte publikuar në rrjetet sociale disa mesazhe të çuditshme dhe shqetësuese. 27-vjeçarja u gjet pa reagim në banesën e saj në lagjen Kagithane të premten, pasi familjarët ngritën alarmin kur ajo nuk po përgjigjej në derë.
Aysegul Eraslan ishte një emër i njohur për publikun turk falë pjesëmarrjes së saj në programin shumë të ndjekur Ky është stili im. Pak orë para se të gjendej e pajetë, ajo kishte publikuar në Instagram disa mesazhe tronditëse, përfshirë një shënim me njolla gjaku dhe një kërkesë drejtuar ndjekësve që të kujdeseshin për qentë e saj.
Në një nga postimet ajo shkruante se kishte shumë gjëra që nuk kishte mundur t’i ndante me askënd. Ajo shtonte se e vetmja gjë që dinte me siguri ishte se kishte qenë gjithmonë një person i mirë dhe se nuk i kishte bërë kurrë keq askujt. Në një tjetër mesazh më emocional, Eraslan fliste për një fëmijëri të vështirë duke thënë se nuk kishte njohur kurrë dashurinë e një nëne apo babai dhe se ishte rritur mes shumë dhune.
Postimi i fundit përfundonte me një lutje që dikush të kujdesej për qentë e saj të dashur. Pasi familjarët nuk arritën të kontaktonin me të, ata njoftuan policinë. Autoritetet hynë me forcë në apartament dhe e gjetën influencuesen pa shenja jete. Ajo u shpall e vdekur në vendngjarje. Trupi i saj është dërguar në Institutin e Mjekësisë Ligjore në Stamboll ku do të kryhet autopsia për të përcaktuar shkakun e vdekjes.
Policia ka nisur një hetim dhe ka deklaruar se rrethanat e vdekjes ende nuk janë përcaktuar. Një nga mikeshat e saj të ngushta, Kardelen Toprak, konfirmoi lajmin e vdekjes në rrjetet sociale dhe tha se rasti po trajtohet si një vdekje e dyshimtë. Aysegul Eraslan kishte ndërtuar një karrierë të suksesshme në fushën e modës. Ajo drejtonte një atelier dizajni në Stamboll dhe kishte prezantuar koleksione në disa sfilata. Stilistja kishte gjithashtu një numër të madh ndjekësish në rrjetet sociale, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
