Lajmi është konfirmuar nga zyra e kryeministrit norvegjez, e cila ka bërë të ditur se vendi nordik nuk ka asnjë plan për t’u përfshirë në këtë nismë.
Sipas deklaratës zyrtare, qeveria norvegjeze mbetet e përkushtuar ndaj politikave të saj tradicionale të jashtme, të bazuara në bashkëpunimin shumëpalësh, respektimin e së drejtës ndërkombëtare dhe angazhimin për paqe përmes institucioneve ndërkombëtare të njohura.
“Nuk kemi marrë vendim për t’u bashkuar me një strukturë të tillë dhe Norvegjia do të vazhdojë të veprojë në përputhje me parimet e saj dhe angazhimet ekzistuese ndërkombëtare”, thuhet në reagimin e zyrës së kryeministrit.
“Bordi i Paqes” i Donald Trump është përmendur së fundmi në media si një platformë e re politike dhe diplomatike, e cila synon përfshirjen e liderëve dhe figurave të njohura ndërkombëtare. Megjithatë, iniciativa ka ngjallur reagime të përziera dhe skepticizëm në disa vende evropiane.
Refuzimi i Norvegjisë shihet nga analistët si një sinjal i qartë se jo të gjitha shtetet janë të gatshme të përfshihen në nisma joformale apo jashtë kornizave tradicionale diplomatike, veçanërisht kur ato lidhen me figura politike kontroverse.
Norvegjia njihet ndërkombëtarisht për rolin e saj aktiv në proceset e paqes dhe ndërmjetësimin në konflikte globale, por autoritetet në Oslo theksojnë se ky angazhim do të vazhdojë vetëm përmes kanaleve zyrtare dhe të pranuara ndërkombëtarisht, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
