Një aksident është regjistruar në rrugën “Nush Radovani”, në zonën e Lalmit të Ri në Lezhë, ku një automjet ka dalë nga rruga dhe ka përfunduar në kanalin anësor. Menjëherë pas njoftimit, në vendngjarje kanë mbërritur forcat e Shërbimit të Mbrojtjes nga Zjarri dhe Shpëtimi, të cilat kanë bërë të mundur nxjerrjen e drejtuesit të mjetit nga automjeti i aksidentuar.
Shoferi, një person mashkull, është nxjerrë me shenja jete dhe është transportuar për ndihmë mjekësore. Ndërkohë, ekipet e emergjencës kanë kontrolluar të gjithë zonën dhe automjetin për të verifikuar nëse kishte persona të tjerë të përfshirë, por rezultoi se në mjet ndodhej vetëm drejtuesi.
“Rreth orës 22:20, në aksin dytësor Lezhë–Manati, në rrugën “Lalmi i Ri”, automjeti me drejtues shtetasin T. Gj., rreth 60 vjeç, ka humbur kontrollin dhe për pasojë ka dalë nga rruga.
Si pasojë e aksidentit, drejtuesi i mjetit është transportuar në spital për ndihmë mjekësore dhe aktualisht ndodhet jashtë rrezikut për jetën.
Grupi hetimor vijon punën për sqarimin e plotë të rrethanave të aksidentit”, njoftoi policia, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
