E rëndë në Itali: Burri lidh gruan me litar, i pret flokët dhe vetullat, arrestohet nga policia
Një ngjarje e rëndë e dhunës në familje është raportuar në Alghero të Italisë, ku një burrë është arrestuar nga autoritetet italiane nën dyshimet për dhunë ndaj bashkëshortes dhe rrëmbim.
Sipas mediave italiane, karabinierët ndërhynë pas një telefonate të marrë në numrin e emergjencës 112, ku raportohej për një konflikt familjar. Fillimisht, i dyshuari u përpoq ta minimizonte ngjarjen, duke pretenduar se bëhej fjalë vetëm për një debat të zakonshëm në familje.
Megjithatë, hetimet e kryera nga policia zbuluan një situatë shumë më serioze. Gruaja u gjet e mbyllur në një dhomë gjumi, e lidhur me litar dhe me gojën e mbyllur, ndërsa dyshohet se kishte qenë viktimë e dhunës fizike dhe psikologjike.
Sipas të dhënave paraprake, gjatë sulmit asaj i janë prerë flokët dhe vetullat, ndërsa është goditur disa herë në fytyrë. Viktima arriti të shpëtojë vetëm pasi përfitoi nga një moment shpërqendrimi i bashkëshortit dhe u largua nga banesa.
Pas ndërhyrjes së autoriteteve, burri u arrestua nga Karabinierët e Njësisë Operacionale dhe Lëvizëse të Kompanisë së Algheros. Me urdhër të Prokurorisë së Sassarit, ai është dërguar në burgun e Bancalit, ku do të qëndrojë në pritje të seancës për vlerësimin e masës së sigurisë.
Rasti është nën hetim dhe statusi juridik i të dyshuarit mbetet në shqyrtim nga organet gjyqësore italiane, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
