Policia e Fierit ka mundur të arrestojë autorin e dytë të dyshuar si të përfshirë në ngjarjen e 23 Dhjetorit, ku u qëllua me armë zjarri drejt një 30-vjeçari në një berbehane.
Policia ka arrestuar Geraldo Hoxhaj (Mahmutaj) 33 vjeç, i cili qëlloi me pushkë në drejtim të një berberhaneje në momentin kur në këtë biznes po merrte shërbim 30-vjeçari.
Një ditë më parë u arrestua edhe bashkëpunëtori i tij 22-vjeçar.
Sipas policisë, ngjarja ka ndodhur pas një konflikti të mëparshëm mes palëve.
33-vjeçari Geraldo Hoxhaj (Mahmutaj) akuzohet për vrasje me dashje të mbetur në tentativë të kryer në bashkëpunim dhe armëmbajtje pa leje. Uniformat blu i sekuestruan të dyshuarit edhe armën e ngjarjes, tip pushkë.
