Gazetarja Anduena Llabani ka reaguar publikisht lidhur me deklaratat e saj të mëparshme, duke theksuar se mban përgjegjësi të plotë për gjithçka që ka thënë dhe duke këmbëngulur se thelbi i deklarimit të saj mbetet i saktë.
Në prononcimin e saj, Llabani sqaroi se nuk ka gabuar në faktin se Edi Rama ka qenë në Shtetet e Bashkuara të Amerikës, ndonëse pranoi se mund të mos ketë qenë e saktë në aspektin e datës. “Nuk kam goditur në datë, por jo në fakt”, u shpreh ajo, duke theksuar se informacioni kryesor që ajo ka dhënë qëndron.
Sipas saj, Rama ka udhëtuar drejt SHBA-së i shoqëruar nga një avokat. Llabani shtoi se nuk ka informacion të konfirmuar nëse udhëtimi është kryer me avion privat apo publik, duke lënë këtë detaj të hapur. Megjithatë, ajo nënvizoi se thelbi i deklaratës së saj lidhet me praninë e Kryeministrit në SHBA dhe jo me mënyrën e udhëtimit.
Gazetarja theksoi se, nëse Kryeministri Rama apo këshilltarët e tij mediatikë dëshirojnë ta përgënjeshtrojnë këtë fakt, janë të lirë ta bëjnë publikisht. “Unë e them me përgjegjësi të plotë se Rama ka qenë në SHBA dhe ka dëshmuar për llogari të drejtësisë amerikane”, deklaroi Llabani.
Deklaratat e saj kanë nxitur debat në opinionin publik dhe në media, ndërsa deri më tani nuk ka pasur një reagim zyrtar nga Kryeministria apo nga vetë Kryeministri Rama lidhur me këto pretendime, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
