Sekretari amerikan i Mbrojtjes, Pete Hegseth, deklaroi se Shtetet e Bashkuara kanë kontroll të plotë mbi Ngushticën e Hormuzit, pavarësisht tensioneve të vazhdueshme dhe bllokimit të rrugës ujore gjatë muajve të fundit.
Gjatë një seance dëgjimore në nënkomitetin e mbrojtjes për ndarjet buxhetore në Senatin amerikan, Hegseth u shpreh se SHBA-të kontrollojnë hyrjen dhe lëvizjen e anijeve në një nga korridoret detare më strategjike në botë.
“Në fund të fundit, ne e kontrollojmë ngushticën, sepse nuk po hyn asgjë që ne nuk e lejojmë të hyjë. Dhe më besoni, Irani e di shumë mirë se nuk mund ta thyejë këtë kontroll. Kjo është diçka që i shqetëson seriozisht”, deklaroi Hegseth.
Komentet e tij vijnë në një moment kur Ngushtica e Hormuzit ka mbetur praktikisht e bllokuar për anijet tregtare për më shumë se dy muaj, për shkak të përshkallëzimit të konfliktit dhe tensioneve ushtarake në rajon.
Ngushtica e Hormuzit konsiderohet një nga rrugët më të rëndësishme detare në botë, pasi përmes saj kalon një pjesë e madhe e furnizimeve globale me naftë dhe gaz.
Deklarata e Hegseth shihet si një sinjal i fortë ndaj Iranit dhe aleatëve të tij, ndërsa SHBA vazhdon të rrisë praninë ushtarake në rajon mes frikës për një përshkallëzim më të madh të konfliktit, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
