Një ngjarje e rëndë familjare ka tronditur opinionin publik në Turqi, ku një i ri 28-vjeçar dyshohet se ka vrarë nënën e tij pas një konflikti të ashpër që kishte shpërthyer brenda banesës familjare.
Sipas informacioneve të para, bëhet fjalë për Emre Y?lmaz, 28 vjeç, i cili prej kohësh kishte tensione të vazhdueshme mes bashkëshortes së tij dhe nënës, Fatma Y?lmaz, 56 vjeçe. Burime pranë familjes kanë bërë të ditur se debatet mes dy grave ishin bërë të shpeshta javët e fundit, duke krijuar një atmosferë të rënduar në shtëpi.
Ngjarja tragjike raportohet të ketë ndodhur mbrëmjen e së premtes, kur pas një debati tjetër të ashpër, Emre humbi kontrollin dhe në kulmin e zemërimit sulmoi nënën e tij, duke i shkaktuar plagë fatale.
Fqinjët, të alarmuar nga britmat që vinin nga banesa, njoftuan menjëherë policinë dhe ekipet emergjente, por kur ata mbërritën në vendin e ngjarjes, 56-vjeçarja kishte ndërruar jetë.
Autoritetet turke kanë arrestuar menjëherë 28-vjeçarin, ndërsa hetimet për zbardhjen e plotë të kësaj tragjedie familjare vazhdojnë.
Ngjarja ka shkaktuar reagime të forta në opinion, duke rikthyer diskutimet mbi dhunën brenda familjes dhe pasojat tragjike që mund të sjellin konfliktet e pazgjidhura, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
