Në pranga përfunduan pesë persona, Sokol Mulosmani, 3 vëllezërit e tij dhe në nip i tuyre. Përplasja dyshohet se nisi për motive pronësie në rrugën “Najzi Leka”, ndërsa policia po heton rrethanat e plota të ngjarjes.
Arrestohet ish-drejtori i Policisë së Vlorës, Sokol Mulosmani. Ish-zyrtari i lartë i policisë u vu në pranga nga efektivët e Policisë së Shtetit pas një konflikti të dyshuar për motive pronësie me familjarët e tij në Tiranë.
Sipas informacioneve paraprake, ngjarja ka ndodhur mbrëmjen e djeshme në rrugën “Najzi Leka”, ku Mulosmani dyshohet se është përfshirë në një përplasje me tre vëllezërit e tij dhe një nip. Konflikti mendohet të ketë lindur për mosmarrëveshje mbi çështje pronësie.
Pas njoftimit për incidentin, shërbimet e Policisë së Shtetit kanë ndërhyrë në vendngjarje, duke neutralizuar situatën dhe arrestuar pesë personat e përfshirë.
Deri më tani, autoritetet nuk kanë bërë publike detaje të tjera mbi dinamikën e konfliktit apo veprat penale për të cilat janë proceduar të arrestuarit. Gjithashtu, nuk është raportuar zyrtarisht nëse nga përplasja ka pasur persona të lënduar.
Policia dhe organet hetimore vijojnë veprimet për të sqaruar rrethanat e plota të ngjarjes dhe për të dokumentuar përgjegjësitë ligjore të secilit prej personave të përfshirë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
