Dokumentacioni i trupit të Khameneit thuhet se i është treguar kryeministrit Benjamin Netanyahu dhe presidentit Donald Trump…
Udhëheqësi Suprem i Iranit, Ajatollah Ali Khamenei, është vrarë ditën e sotme nga një sulm ajror izraelit ndaj Teheranit. Zyrtarë të lartë izraelitë informuan mbrëmjen e sotme se trupi i tij u gjet nën rrënojat e shkaktuara nga sulmi ajror izraelit. Dokumentacioni i trupit të Khameneit thuhet se i është treguar kryeministrit Benjamin Netanyahu dhe presidentit Donald Trump.
Që pasditen e sotme pati indicie se Khamenei mund të jetë vrarë nga sulmi izraelit në bunkerin ku ruhej udhëheqësi suprem. Pavarësisht pretendimeve izraelite, zyrtarë të lartë të Iranit kanë mohuar vdekjen e liderit suprem.
Më herët të shtunën, zyrtarët iranianë premtuan të publikonin një regjistrim të Khameneit menjëherë pasi sulmet izraelite shënjestruan kompleksin e tij në Teheran. U desh disa orë deri sa të konfirmohej vdekja e tij.
Kush ishte Ayatollah Ali Khamenei
Ayatollah Ali Khamenei, emri i plotë Seyyed Ali Hosseini Khamenei, lindi më 19 prill 1939 në qytetin e Mashhadit, në verilindje të Iranit, në një familje fetare me prejardhje azerbajxhanase. Babai i tij ishte një klerik i njohur vendas, dhe ai u rrit në kushte modeste, duke filluar studimet fetare që në moshë të re. Nga fëmijëria e hershme hyri në seminaret shiite, duke ndjekur mësimet në Mashhad, më pas në Najaf të Irakut dhe sidomos në Qom, ku u bë nxënës i drejtpërdrejtë i Ayatollah Ruhollah Khomeinit, figurës kryesore të opozitës kundër Shahut Mohammad Reza Pahlavi.
Në vitet 1960 dhe 1970, Khamenei u përfshi thellë në lëvizjen revolucionare islamike, duke u arrestuar dhe burgosur disa herë nga regjimi i Shahut për aktivitete kundër monarkisë. Ai u bë një nga bashkëpunëtorët më të ngushtë të Khomeinit, duke organizuar protesta dhe predikime kundër perëndimit dhe Shahut. Kur shpërtheu Revolucioni Islamik në 1979, Khamenei luajti rol kyç: u emërua anëtar i Këshillit Revolucionar, zëvendësministër i Mbrojtjes për çështje revolucionare dhe mbikëqyrës i hershëm i Gardës Revolucionare Islamike (IRGC).
Ai drejtoi edhe lutjet e xhumasë në Teheran, një pozicion me ndikim të madh. Pas revolucionit, në vitin 1981, pas vrasjes së presidentit Mohammad-Ali Rajai në një atentat, Khamenei u zgjodh president i Iranit me një përqindje dërrmuese votash. Ai shërbeu si president nga tetori 1981 deri në 1989, duke drejtuar vendin gjatë luftës së gjatë Iran-Irak (1980-1988), duke mbijetuar një atentat të rëndë në qershor 1981 që e la të paralizuar krahun e djathtë, dhe duke forcuar lidhjet me IRGC-në si forcë kyçe të regjimit. Kur vdiq Ayatollah Khomeini më 3 qershor 1989, Asambleja e Ekspertëve e zgjodhi Khamenein si Udhëheqës Suprem të përkohshëm më 4 qershor 1989.
Kushtetuta u ndryshua shpejt për të hequr kërkesën që udhëheqësi suprem të kishte rangun më të lartë fetar (marja’), dhe ai u konfirmua si udhëheqës i përhershëm. Kështu filloi sundimi i tij si Supreme Leader, që zgjati mbi 36 vjet, duke e bërë atë udhëheqësin më jetëgjatë në Lindjen e Mesme dhe udhëheqësin iranian më të gjatë që nga Shah Mohammad Reza Pahlavi.Si Udhëheqës Suprem, Khamenei kishte pushtet pothuajse absolut: emëronte zyrtarë kyç si shefat e gjyqësorit, ushtrisë dhe IRGC-së, miratonte ose bllokonte ligjet, drejtonte politikën e jashtme dhe mbështeste programin bërthamor të Iranit për qëllime civile.
Ai zgjeroi ndikimin e Iranit në rajon përmes “Boshtit të Rezistencës”, duke mbështetur Hezbollahun, Hamasin, Houthisit në Jemen, milicitë shiite në Irak dhe Sirinë, dhe u përball me sanksione të rënda ndërkombëtare, protesta të brendshme masive (si ato të 2009, 2019, 2022 pas vdekjes së Mahsa Amini) dhe konflikte të vazhdueshme me SHBA-në dhe Izraelin.
Sundimi i tij u karakterizua nga shtypje e fortë e opozitës, centralizim i pushtetit te IRGC-ja, promovim i ekonomisë së rezistencës dhe retorikë e ashpër anti-amerikane e anti-izraelite. Ai mbijetoi probleme shëndetësore si operacionin e prostatës në 2014 dhe pengesa të tjera, por mbeti në krye deri në fund, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
