Një njoftim i pazakontë për punë është bërë viral në rrjetet sociale dhe mediat e rajonit. Shtatë gra nga Sllovenia kanë shpallur një kërkesë për një kapiten që t’i shoqërojë në një udhëtim me vela përgjatë bregdetit të Dalmacisë, duke ofruar një pagesë deri në 230 euro në ditë.
Sipas njoftimit, udhëtimi është planifikuar të zhvillohet nga 23 deri më 26 shtator, ndërsa destinacioni i saktë ende nuk është vendosur. Ato e përshkruajnë veten si “gra sllovene të gëzuara, energjike dhe paksa të zhurmshme”, duke theksuar se janë në kërkim të një kapiteni që, përveç profesionalizmit, të përshtatet edhe me atmosferën e grupit.
Në kërkesën e tyre, ato specifikojnë se kandidati ideal duhet të ketë përvojë në lundrim, të jetë i përgjegjshëm, i besueshëm dhe të njohë mirë brigjet e Adriatikut, veçanërisht gjiret e fshehura dhe plazhet me ujëra të kristalta.
Megjithatë, për grupin nuk mjaftojnë vetëm aftësitë profesionale. Ato kërkojnë gjithashtu një person me sens humori, pozitiv dhe të gatshëm të bëhet pjesë e energjisë së tyre gjatë gjithë udhëtimit.
Për kapitenin e përzgjedhur ofrohet një pagesë ditore prej 230 eurosh, si dhe, sipas tyre, një eksperiencë plot argëtim, të qeshura dhe një atmosferë miqësore në bord.
Në fund të njoftimit, ato i ftojnë të interesuarit të dërgojnë CV-në përmes adresës së e-mailit të publikuar në shpallje, ndërsa e mbyllin me një mesazh plot humor:
“Ky ekuipazh mund të mos jetë më i qeti në det, por sigurisht që nuk do të jetë i mërzitshëm.”
Njoftimi ka tërhequr vëmendje të madhe në rrjetet sociale, ku shumë përdorues e kanë komentuar si një nga ofertat më origjinale të punës për sezonin e vjeshtës, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
