TIRANË – Një alarm serioz për sigurinë ushqimore është lëshuar nga sistemi europian RASFF dhe Autoriteti Kombëtar i Ushqimit (AKU) në Shqipëri. Një markë e njohur kremi lajthie me kakao, i importuar nga Gjermania, ka rezultuar i kontaminuar me bakterin e rrezikshëm Salmonella spp.
Produkti i rrezikshëm: Çfarë duhet të keni kujdes?
Bëhet fjalë për produktin Nudossi Haselnuss-Nougat-Crème (paketimi 300 g). Ky produkt është importuar në vendin tonë nga kompania “Lengo Group” dhe, sipas analizave laboratorike në Europë, përbën një rrezik serioz për shëndetin e konsumatorëve.
Gati 9 kg janë shitur: AKU thirrje konsumatorëve
AKU ka nisur menjëherë verifikimet pranë subjektit importues. Sipas të dhënave zyrtare:
Sasia totale e importuar: 18.3 kg.
Sasia e bllokuar për asgjësim: 9.6 kg.
Sasia e shitur te konsumatori: 8.7 kg.
Kjo do të thotë se një pjesë e mirë e produktit të kontaminuar është tashmë në duart e qytetarëve ose në raftet e dyqaneve të vogla.
Çfarë duhet të bëni nëse e keni blerë?
Autoriteti Kombëtar i Ushqimit u bën thirrje të gjithë konsumatorëve që të kontrollojnë dollapët e tyre ushqimorë. Nëse e keni këtë produkt:
MOS E KONSUMONI në asnjë mënyrë.
KTHEJENI menjëherë në pikën e tregtimit ku e keni blerë.
Rreziqet nga Salmonela
Salmonela mund të shkaktojë infeksione të rënda gastrointestinale, ethe, diarre dhe dhimbje barku, të cilat mund të jenë veçanërisht të rrezikshme për fëmijët e vegjël, të moshuarit dhe personat me sistem imunitar të dobësuar, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
