Vendimi i Gjykatës Themelore për të caktuar 30 ditë paraburgim këngëtarit Besart Kelmendi, i njohur si Gjesti, ka shkaktuar reagime të shumta në estradën shqiptare.
Ndërsa institucionet e drejtësisë vazhdojnë procedurat ligjore, komuniteti i artistëve ka nisur të shprehë hapur mbështetjen për kolegun e tyre.
Një nga reagimet më të dukshme ka ardhur nga reperja Tayna, e cila ka zgjedhur të shprehë mendimin e saj përmes një postimi në Instagram.
Ajo ka ndarë një fotografi ku dyshja shihen duke u përqafuar në skenë, duke i dhënë mesazhit një ton shumë personal dhe emocional.
Tayna theksoi se shpesh veprimet apo “gabimet” e artistëve gjykohen ashpër nga jashtë, por pak njerëz kuptojnë presionin dhe padrejtësitë profesionale që mund t’i çojnë ata drejt një reagimi të tillë.
“Shumë njerëz e gjykojnë reagimin, por pak e dinë çfarë e shtyn një artist deri aty. Kur puna jote, zëri yt dhe djersa jote nuk respektohen, dhimbja bëhet revoltë,” shkroi Tayna, duke i dhënë publikut një pasqyrë të vështirësive që ndodhin pas kamerave.
Për Taynën, çështja e Gjestit nuk është thjesht një problem individual, por një sfidë që prek shumë krijues në industrinë muzikore. Ajo bëri thirrje për solidaritet mes artistëve në momente të tilla kritike: “Artistët meritojnë drejtësi për krijimet e tyre. Në fund të ditës ne kalojmë sfida të ngjashme… dhe këto janë momentet kur bashkë duhet të mbështesim njëri-tjetrin., do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
