Një turiste rreth 30 vjeçe nga Finlanda ka humbur jetën pasi pësoi probleme të rënda shëndetësore gjatë një zhytjeje në zonën e Radhimës, në Vlorë.
Sipas informacioneve paraprake, e reja ishte pjesë e një grupi zhytësish që po eksploronin zonën ku ndodhet anija e mbytur **Spitaliers**. Gjatë zhytjes, ajo dyshohet se ka pësuar mungesë oksigjeni ose një komplikacion tjetër shëndetësor, çka i ka shkaktuar përkeqësim të menjëhershëm të gjendjes.
Pasi është ndier keq, turistja është ndihmuar menjëherë nga zhytësit e tjerë, të cilët e kanë nxjerrë në sipërfaqe dhe e kanë transportuar me urgjencë në Spitalin Rajonal të Vlorës.
Sipas burimeve spitalore, 30-vjeçarja mbërriti në gjendje të rëndë, me vështirësi në frymëmarrje dhe shenja të një komplikacioni serioz. Pavarësisht përpjekjeve të stafit mjekësor dhe trajtimit intensiv, ajo nuk arriti të mbijetojë.
Shkaqet e sakta të ngjarjes ende nuk janë konfirmuar zyrtarisht, ndërsa autoritetet kompetente kanë nisur hetimet për të zbardhur rrethanat e plota të rastit,do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
