Partia Demokratike është duke mobilizuar strukturat e saj lokale, përmes një udhëzimi i cili i ndihmon të mbështesin qytetarët të cilët kundërshtojnë propozimin e Partisë Socialiste për reformën e re territoriale.
Mësohet se ky udhëzim i firmosur ditën e sotme nga sekretari Organizativ i Partisë Demokratike, Klevis Balliu dhe nga sekretari për Pushtetin Lokal, Ylli Asllani, thekson se objektivi është mbështetja qytetare. Dhe qëllimi i kësaj është që të mos aprovohet projekti qeveritar për zvogëlimin e numrit të bashkive.
Më tej dokumenti ka theksuar se drafti i reformës territoriale i paraqitur nga PD, i cili kujtojmë se propozon ndarjen në 100 bashki është i duhuri. Udhëzimi i shpërndarë te të djathtët thekson se degët e PD duhet të mblidhen urgjentisht brenda kësaj jave, së bashku me këshilltarët bashkiakë, për të bashkërenduar qëndrimin e tyre me atë të qytetarëve që protestojnë, si edhe për të mbështetur tubimet e tyre.
“Këshilltarët tanë duhet të sqarojnë kolegët e tyre që projekti I Ramës nuk vlen për askënd nëse qytetarët e njësive që shkrihet nuk janë dakotrd. Kjo në bazë të Kushtetutës dhe Kartës evropiane të Vetqeverisjes Vendore”, shkruhet ndër të tjera në udhëzim, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
