Temperatura rekord për sezonin u regjistruan në Francën jugperëndimore, me merkurin që tejkaloi 25°C dhe iu afrua 30°C sot; moti ngjante më shumë me majin.
Në Orthez, pranë Pirenejve, termometri tregoi 28.3°C. Kjo është temperatura më e lartë e regjistruar ndonjëherë në shkurt në këtë stacion meteorologjik, të përuruar në vitin 1994. Rekordi i mëparshëm në zonë ishte 27.1°C, i vendosur në shkurt 2020.
Në Biarritz, u regjistrua një temperaturë maksimale prej 27°C (14 gradë mbi normën sezonale), në Pau 26°C, në Mont-de-Marsan 25°C dhe në Tuluzë 22°C.
Në Francën jugperëndimore, temperaturat, tashmë të larta për këtë kohë të vitit, u rritën më tej dhe ngjajnë me ato të… majit, sipas shërbimit kombëtar meteorologjik (Météo France).
Ekspertët theksojnë se temperaturat jashtëzakonisht të larta gjatë dimrit po bëhen një fenomen gjithnjë e më i shpeshtë për shkak të ndryshimeve klimatike./Lami i Fundit, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
