Konsullata serbe, Kali i Trojes dhe Rozafa…e Shkodres /Nga Roland Luci
Nuk eshte çeshtje reciprociteti me hapjen e konsullates shqiptare ne Presheve, si mund ta interpretoj ndonje tifoz i qeverise, qeveritar apo kryeqeveritar. Nuk ka serbë ne Shkoder qe te justifikohet ky veprim.
Nuk ka (aq) serbë, por per fat te keq ka me teper se kaq. Ka reminishenca te se kaluares, ka ngjarje me konotacion negativ qe revokohen, ka pretendime territoriale qe ringjallen, ka kujtese e ndergjegje te dobet te ne qe shfrytezohet nga te huajt, ka shije, muzike, toponime e sllavizma qe jane ngulur thelle e as qe mund te krahasohen me ndonje relike shqiptarizmi te serbet, po te duhet te hiqnim ndonje paralele virtuale.
Po ne themel te tyre si simbol i gjithshkaje serbe ne Shkoder qendron Rozafa. Jo keshtjella e lashte e Shkodres, po legjenda sllave e Rozafes qe me mendjelehtesi quhet e Shkodres.
Nje legjende si shumeçka serbe, nje trashegimi e nje pushtimi te hershem mesjetar si dhe toponimet e shumte qe na lane dhurate, nje eklipsim i historise se famshme ilire te lidhur aq ngushte dhe me kalane e Shkodres, por jo me Rozafen, kurrsesi me te.
Rozafa e Shkodres eshte si puna e Kalit te Trojes, qe jo vetem nuk ishte i Trojes, por e shkaterroi Trojen, te pakten sipas gojedhanave homerike.
Edhe Rozafa me legjenden e pabesise vellazerore qe budallakisht ne e quajme tonen, na u la dhurate nga pushtuesit, dhurate qe te kujtohej gjithmone se ajo kala e lashte eshte e tyre dhe para tyre aty nuk kishte asgje, asnje gjurme, asnje popull, asnje histori e famshme qyteterimi dhe perpjekjesh per mbijetese edhe ndaj superfuqise romake te kohes.
Ne nuk na lidh asgje me legjenden e tradhetise mes njeri-tjetrit, as me shenjtoret sllave e lufterat e tyre, te cilet revokon emri Rozafa. Kalaja e Shkodres eshte nja 1 500 vjet me e lashte se ekzistenca e gojedhanes se Rozafes dhe prandaj nuk ka se si dhe pse te identifikohet me te, e sidomos me ndertimin e saj.
Po qe te mos na lidh asgje me keto gojedhana pushtuesish duhet nje shkalle me e larte ndergjegjesimi qe ne faktikisht ne mase te madhe na mungon. E ne kete prizem duhet te mos tregohemi aq leshko, te pakten qe konsullata serbe ne Shkoder te mos lejohet te hapet.
PS: Dikur kur pata shkruar per kete teme, nuk paten munguar shigjetimet antishkodrane e antishqiptare. Nuk do çuditesha te perseriteshin. Nga injorante, por sidomos nga filo-serbe, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
