Një profesor nga Kalifornia është dënuar këtë javë me 18 vjet e gjashtë muaj burg për tentativë joshjeje të një të mituri, si edhe për marrje dhe shpërndarje të materialeve që paraqesin abuzim seksual ndaj fëmijëve, sipas një njoftimi të publikuar më 24 korrik nga Zyra e Prokurorit të SHBA-së.
Rodger Githens, 48 vjeç, dyshohet se ishte përpjekur të organizonte një takim me qëllim abuzimin seksual të një vajze të supozuar 7-vjeçare, përmes komunikimeve me një agjent të fshehtë të FBI-së, i cili paraqitej si xhaxhai i saj.
Mediat amerikane shkurajnë se sipas dokumenteve gjyqësore, në kohën e komunikimeve, Githens punonte në Universitetin e Paqësorit dhe kishte shërbyer gjithashtu si konsulent për kolegje dhe universitete të tjera.
Një padi penale, në kohën e arrestimit të tij, pretendonte se Githens kishte nisur komunikimin me një llogari të rreme në Grindr, të krijuar nga agjenti i fshehtë. Gjatë bisedave, të cilat zgjatën rreth një muaj, agjenti pretendonte se kishte një mbesë 7-vjeçare.
Sipas dosjes, Githens kishte diskutuar gjithashtu për një udhëtim të planifikuar drejt Havait, ku dyshohet se kishte synuar të kryente abuzim seksual ndaj një fëmije. Udhëtimi nuk u realizua për shkak të kufizimeve të udhëtimit gjatë pandemisë COVID-19.
Gjatë komunikimeve, Githens sugjeroi që bisedat të vijonin në aplikacionin Telegram. Sipas Zyrës së Prokurorit të SHBA-së, ai kishte shprehur në mesazhe mendime të përsëritura me përmbajtje seksuale ndaj fëmijëve dhe kishte përshkruar synime të dyshuara ndaj viktimës së supozuar.
Në prill të vitit 2023, FBI-ja dhe policia e West Sacramento e arrestuan Githens pas një operacioni të fshehtë. Gjatë kontrollit të banesës dhe pajisjeve të tij elektronike, autoritetet thanë se gjetën komunikime në Telegram, ku ai dyshohet se kishte shkëmbyer dhe komentuar materiale që paraqisnin abuzim seksual ndaj fëmijëve.
Githens u shpall fajtor rreth tre muaj më parë për tentativë joshjeje të një të mituri, si edhe për marrje dhe shpërndarje të materialeve që paraqesin abuzim seksual ndaj fëmijëve.
Përveç dënimit me 18 vjet e gjashtë muaj burg, ai është urdhëruar të regjistrohet në regjistrin e personave të dënuar për vepra penale seksuale dhe të paguajë një gjobë prej 75 mijë dollarësh.
Pas përfundimit të dënimit, Githens do t’i nënshtrohet 10 viteve liri të mbikëqyrur. Gjatë kësaj periudhe, qasja e tij në internet, përdorimi i kompjuterëve dhe kontakti me të miturit do të jenë të kufizuara, sipas autoriteteve amerikane, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
