Ngjarja e rëndë që tronditi qytetin e Ankonës dhe komunitetin shqiptar në Itali ka marrë një zhvillim të ri dramatik. Nazif Muslija, 50-vjeçari shqiptar i dyshuar për vrasjen e bashkëshortes së tij, Sadjide Muslija, është gjetur i plagosur rëndë, ndërsa autoritetet dyshojnë se ai ka tentuar t’i japë fund jetës së tij pas krimit të rëndë.
Sipas të dhënave paraprake, Muslija është gjetur rreth orës 16:30 nga një gjuetar, i cili ka ndeshur rastësisht në trupin e tij të plagosur. Gjuetari i ka dhënë ndihmën e parë dhe ka alarmuar autoritetet, duke bërë të mundur transportimin e 50-vjeçarit drejt spitalit. Gjendja e tij raportohet e rëndë.
Ndërkohë, Zyra e Prokurorit të Ankonës ka lëshuar tashmë një urdhër arresti ndërkombëtar për të, ndërsa paralelisht është urdhëruar edhe kryerja e autopsisë mbi trupin e viktimës për të përcaktuar me saktësi rrethanat e vrasjes.
Pas një dite hetimesh intensive, karabinierët e Seksionit të Hetimeve Mjekësore janë rikthyer në banesën ku u gjet e pajetë 44-vjeçarja, për të kërkuar prova shtesë, gjurmë, si dhe mjetin e fortë që dyshohet të jetë përdorur në sulm. Sipas mediave italiane, dhoma ku u gjet viktima paraqiste shenja të dukshme dhune dhe plagë të rënda në kokë dhe gjoks, duke dëshmuar për një akt brutal.
Rasti bëhet edhe më i rëndë duke marrë parasysh historikun e dhunës brenda familjes. Nazif Muslija ishte raportuar më herët për dhunë në familje dhe madje ishte arrestuar në prill, pasi kishte sulmuar bashkëshorten e tij me një sëpatë. Megjithatë, pas ngjarjes, ai ishte lënë i lirë.
Pas vrasjes, ai është larguar nga banesa me një makinë Smart, ndërsa telefoni i tij ka rezultuar i fikur dhe i paarritshëm që nga mëngjesi i djeshëm, gjë që fillimisht vështirësoi kërkimin e tij.
Ngjarja vijon të hetohet nga autoritetet italiane, të cilat pritet të sqarojnë motivet, dinamikën e saktë të krimit dhe momentet para tentativës së vetëvrasjes së dyshuar, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE
