Një aksident i rëndë ka ndodhur në aksin “Cërrik-Gramsh”, ku një 75-vjeçar ka humbur jetën si pasojë e një përplasjeje me një mjet.
Policia ka arrestuar shoferin e mjetit, një 70-vjeçar, i cili dyshohet se shkaktoi aksidentin duke përplasur viktimën, e cila ishte duke lëvizur me biçikletë. Ky incident ka tronditur komunitetin, dhe autoritetet po vijojnë hetimet për zbardhjen e rrethanave të plota të ngjarjes.
Specialistët e Qarkullimit Rrugor arrestuan në flagrancë shtetasin Q. B., 70 vjeç, banues në Cërrik, për veprën penale “Shkelja e rregullave të qarkullimit rrugor”.
Mëngjesin e sotëm, në aksin rrugor “Cërrik-Gramsh”, automjeti tip “Benz” që ai drejtonte është përplasur me biçikletën që lëvizte shtetasi F. B., 75 vjeç, i cili për pasojë ka humbur jetën.
Materialet procedurale i kaluan Prokurorisë për veprime të mëtejshme.
